Zabbuli 146:3 - Baibuli Ekibono kya Katonda 2014

³ Muteesiganga bafuzi ba ku nsi; waire okwesiganga omuntu obuntu, kuba azira ky'ayamba.

Zabbuli 146:3 Iomraidhean Croise

2 Bakyabazinga 6:27

Kyabazinga yaamwiramu ati: “Musengwa Katonda mwene bw'ataakuyambe, nze nnaatoola gha eby'okukuyamba, ate nga zeena mu kifo aghakubirwa engaano nzirayo ka kulya, waire mu kikunhiro eky'omwenge gw'emizabbibu okubaayo n'ak'okunhwa?”

2 Ebyomubyanda 16:7

Mu kiseera ekyo, omulanzi Hanani yaaja ye kyabazinga Asa owa Buyudaaya, yaamukoba ati: “Olw'okuba weesiga kyabazinga wa Siria, waaloba kwesiga Musengwa Katonda wo, eigye lya Isiraeli likweibyeku lyakulumukaku.

Zabbuli 108:12

Tubeere tulwanise omuzigu, kuba okwesigulira ku muntu okutubeera kiziramu muganhulo.

Zabbuli 60:11

Tubeere tulwanise omuzigu, kuba okwesigulira ku muntu okutubeera kiziramu muganhulo.

Zabbuli 62:9

Abantu abayabayaba bali ng'oti muuka gwa mu nhindo; ate abantu abakologho biwooboloolo, boonaboona bw'obata ku minzaani teika, eja bwa ghaigulu; bagheghere okusinga omuuka ogw'omu nhindo.

Isaia 2:22

Muve ku kwesiganga abantu, kuba, okutoolaku omuuka ogw'omu nhindo gwe bagheera, kiki ekindi eky'omughendo kye bali nakyo?

Isaia 22:25

Musengwa Katonda Afuga Amagye akoba ati: “Olunaku olwo bwerulituuka, enkondo ye baali bakomereire mu kifo kyayo n'eguma, erisimbukayo yaagwa. Era eyo n'eriba enkomerero y'ebyo byonabyona ebigighanikiibwaku.” Musengwa Katonda n'ayogeire.

Isaia 31:3

Abamisiri bantu buntu, se ti Katonda. N'embalaasi dhaibwe dhiri na mubiri, se ti mwoyo mwereere. Musengwa Katonda bw'aligalula omukono gwe okubonereza, abayambi baligangalima, era n'abo be bayamba baagwa, olwo boonaboona baazikirira.

Isaia 37:6

Isaia oyo yaabakoba okwirayo ye musengwa waibwe, bamukobe bati: “Musengwa Katonda akoba ati, ‘Otatya bibono by'owuliire, abakungu ba kyabazinga w'e Assiria bye boogeire nga banvuma.