Zabbuli 145:1 - Baibuli Ekibono kya Katonda 2014

¹ Wo Katonda wange era Kyabazinga wange, ndidha kukusaakanga olw'obukulu bwo, era nkusiimenga ebyanda n'ebyanda.

Zabbuli 145:1 Iomraidhean Croise

1 Ebyomubyanda 29:13

Agho ni Katonda waife, ife tukusiima era twasaaka eriina lyo ery'ekitiisa.

Zabbuli 100:1

Abantu mwenamwena ab'ensi mukubire Musengwa Katonda emizira.

Zabbuli 118:28

Niiwe Katonda wange, era ndidha kukusiimanga iwe Katonda wange, ndidha kukoberanga abantu nga bw'oli omukologho.

Zabbuli 145:21

Nze ndidha kusaakanga Musengwa Katonda, na buli kitonde kisaakenga eriina lye eitukuvu ebyanda n'ebyanda.

Zabbuli 146:2

Nze ndidha kusaakanga Musengwa Katonda obulamu bwange bwonabwona, era nhembenga enhembo edhisaaka Katonda wange nga nkaali mulamu.

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Zabbuli 30:1

Wo Musengwa Katonda, ndidha kukusaakanga buliidho, kuba wamponia, waalobera abazigu bange okuneeyagaliraku.

Zabbuli 30:12

Olw'ekyo ndidha kukusaakanga n'omwoyo gwange gwonagwona obutasirika. Wo Musengwa Katonda wange, ndidha kukusiimanga ebyanda n'ebyanda.

Zabbuli 30:2

Wo Musengwa Katonda wange, nakulirira okumbeera, era wamponia.

Zabbuli 34:1

Ndidha kusiimanga Musengwa Katonda ebiseera byonabyona, tija kulekera kumusaakanga.

Zabbuli 44:4

Niiwe Kyabazinga wange era Katonda wange, niiwe asobozesa Yakobo okughangula.

Zabbuli 45:1

Omwoyo gwange gwidhwire ebibono ebikalamu bye nja okughandiika. Olwembo luno ndi kuluyiiyiza kyabazinga, olulimi lwange lwetegeike ng'oti n'ekalaamu ey'omughandiisi omukugu.

Zabbuli 45:6

Obwakyabazinga bwo, Katonda bwe yakugha, bwidha kusigalagho ebyanda n'ebyanda. Obufuzi bwo bube obufuzi obuziramu kyekubira.

Zabbuli 5:2

Wulira okulira kwange, kuba niiwe ye nsaba, iwe Kyabazinga wange era Katonda wange!

Zabbuli 5:3

Mpuuna bwe pwi pwi pwi naakusaba, wampulira. Mu nkyonkyo neetegeka okuwulira ebiva y'oli.

Zabbuli 52:9

Ndidha kukusiimanga ebyanda n'ebyanda olw'ebyo bye wakola mu bantu bo abakutya ndidha kukoberanga abantu nga bw'oli omulungi.

Zabbuli 68:4

Mwembere Katonda, mwembe enhembo edhisaaka eriina lye. Mumutegekere engira oyo aseeyeeya ku bire, eriina lye ni Musengwa Katonda, musagambire mu maiso ge.

Zabbuli 75:9

Aye nze ndidha kusagambanga ebyanda n'ebyanda, era ndidha kwembanga enhembo edhisaaka Katonda wa Yakobo.

Zabbuli 95:3

kuba Musengwa Katonda ni Katonda mwene omukologho, era ni Kyabazinga omukologho asinga bakatonda ab'amaghanga agandi.

Zabbuli 96:2

Mwembere Musengwa Katonda mumusaake, mukoberenga abantu buli kaakyeire nga bwe yatulokola.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 38:20

Wo Musengwa Katonda, ondokoire. Kale ni twidha kukwemberanga mu bulamu bwaife bwonabwona, nga bwe tukuba entongooli n'endingidi mu isinzizo lyo.”

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Malaki 1:14

Omuntu omukupankupania akolimirwenga, oyo eyeeyama okughaayo ensolo enume enungi y'ali nayo mu kisibo kye, aye ate n'amala n'aghaayo eriku ekikyamu. Akolimirwenga kuba nze Musengwa Katonda Afuga Amagye ndi kyabazinga mukologho, era abantu ab'amaghanga goonagoona bantya.”

Matayo 25:34

Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”