Zabbuli 143:8 - Baibuli Ekibono kya Katonda 2014

⁸ Nkusaba buli nkyo ondholekenga nga bw'ongonza obutalekera, kuba niiwe ye neesiga. Ngalagira bwe mbe neebise, kuba niiwe ye nsaba.

Zabbuli 143:8 Iomraidhean Croise

Zabbuli 119:34

Ngalagira ntegeere amateeka go; ndidha kugagonderanga n'omwoyo mulala.

Zabbuli 119:73

Niiwe wampumba n'engalo dho wantaagho, nkusaba ompe okutegeera, memale ndhege ebiragiro byo kye binkoba.

Zabbuli 143:10

Ndhegeresa okukolanga nga bw'oyenda, kuba niiwe Katonda wange! Olw'omwoyo gwo omulungi mbisa mu ngira entuufu.

Zabbuli 25:20

Kuuma obulamu bwange era omponie, kuba niiwe ye neesiga, otandeka kuswala!

Zabbuli 27:11

Wo Musengwa Katonda, ngalagira bwe mbe neebise, era ombise mu ngira entuufu, kuba ndi n'abazigu.

Zabbuli 30:5

Kuba obusungu bwe bubaagho kaseera buseera, aye obulungi bwe bubaagho mu bulamu obw'omuntu bwonabwona. Omuntu asobola okulira obwire bwonabwona, ate bwe bukya yaaseka.

Zabbuli 32:8

Musengwa Katonda ankoba ati: “Ndidha kukugalagiranga era nkwegerese ensambo ey'okwebisaamu, era ndidha kukulagiriranga nga nkulabirira.

Zabbuli 42:8

Omusana Musengwa Katonda andholeka nga bw'angonza obutalekera, obwire nze naamwembera olwembo nga mmusaba oyo Katonda ampa obulamu.

Zabbuli 46:5

Katonda mwene aba mu kibuga ekyo, era tikisobola kuzikirizibwa; Katonda awuuna buwuune mu nkyonkyo okukirwanirira.

Zabbuli 5:8

Wo Musengwa Katonda, nkulemberaamu mu ngira ey'obutuufu bwo kuba abazigu ndi na kamaala longoola engira mwe mbe ntambulire.

Zabbuli 59:16

Aye nze ndidha kwembanga nga nsaaka amaani go; buli nkyo ndidha kwemberanga ghaigulu okugonza kwo okutakoma, kuba buliidho niiwe obairenga obubudamo bwange, era niiwe obairenga obulumukiro mu biseera ebizibu.

Zabbuli 86:4

Nze omugheereza wo mpa okuba omusangaavu, kuba niiwe ye nsinza.

Zabbuli 90:14

Twidhuzenga okugonza kwo okutakoma buli nkyo, olwo tusobole okusagambanga nga tuli basangaavu obulamu bwaife bwonabwona.

Isaia 30:21

Bwe munaadaalimiranga ku luuyi olw'omukono omusaadha oba ku lw'omugooda, ni muva ku ngira, mwidha kuwuliranga amamiro ge emugongo waimwe nga gabakoba gati: “Eno n'engira ye mube mutambuliremu.”

Isaia 48:17

Iwe Isiraeli, Musengwa Katonda Omununuzi wo era Omutukuvu, akoba ati: Ninze Musengwa Katonda wo akwegeresa ebikuganhula, era akukulemberamu mu ngira y'ogwaine okubitamu.

Okulira 3:41

Ka twiguliregho Katonda ow'eigulu emyoyo gyaife era tumusabe.

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Abalamuzi 13:12

Manoa yaamubuuza ati: “Ebibono bye wakoba bwe birituukirira, obulamu bw'omwana oyo buliba bwa nsambo ki, era kiki ky'aliba n'okukola?”

1 Samueli 23:12

Daudi yaabuuza ati: “Abantu ab'e Keila banampaayo nze n'abasaadha bange mu ngalo dha Saulo?” Musengwa Katonda yairamu ati: “Baidha kukughaayo.”