Zabbuli 143:12 - Baibuli Ekibono kya Katonda 2014

¹² Era olw'okungonza einho obutalekera, zikiriza abazigu bange boonaboona, osaaniegho abo boonaboona abankyagha; kuba nze nkugondera.

Zabbuli 143:12 Iomraidhean Croise

Zabbuli 116:16

Wo Musengwa Katonda, nze ndi mugheereza wo nga maama bwe yali. Niiwe omponiiza okufa!

Zabbuli 119:94

Ndi wuwo, mponia abazigu, kuba nfuba okujiira ku mateeka go.

Zabbuli 52:5

Aye Katonda aidha kukuzikiriza ebyanda n'ebyanda; aidha kukuswankula mu ndhu yo akukwekwebye; aidha kukutoola mu nsi ey'abalamu.

Zabbuli 54:5

Aidha kwiriza abazigu bange ebibi byaibwe byene bibabonereze; aidha kubazikiriza kuba mwesigwa.

Zabbuli 54:7

Wamponia wantoola mu bizibu byange byonabyona, naabona abazigu bange nga baghangwirwa.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

1 Samueli 25:29

Bwe ghanaabangagho asituka okukuyiigania ng'ayenda okukwita, Musengwa Katonda wo aidha kukukuumanga ng'oti n'omuntu bw'akuuma eky'obukombe eky'omughendo. Aye abazigu bo, Musengwa Katonda aidha kubakonhoogereranga ng'oti n'omuntu bw'akonhoogerera amabaale mu nsuumulo.

1 Samueli 26:10

Daudi era yaakoba ati: “Nga Musengwa Katonda bw'ali omulamu, era mwene oyo n'alimwita entuuko dhe dhirituuka yaafa, oba alija mu lutalo yaafiira eyo.