Zabbuli 143:1 - Baibuli Ekibono kya Katonda 2014

¹ Wo Musengwa Katonda, wulirisa okusaba kwange. Nga bw'oli omutuufu era omwesigwa, wulira okukweghemba kwange, onkolere kye ndi kukusaba.

Zabbuli 143:1 Iomraidhean Croise

2 Samueli 7:25

“Wo Musengwa Katonda wange, mperaano ni kuumanga ekyo ky'osuubiiza nze omugheereza wo n'ab'endhu yange era okituukirizenga.

Zabbuli 140:6

Nze nkoba Musengwa Katonda nti: “Niiwe Katonda wange.” Wo Musengwa Katonda, wulira bye ndi kukusaba, onhambe.

Zabbuli 17:1

Wo Musengwa Katonda, wulira okulira kwange nga nkusaba oyoleke obutuufu bwo. Ntegera kutu owulirise okusaba kwange okuziramu kuguya.

Zabbuli 31:1

Wo Musengwa Katonda, niiwe ye neesiga otandeka kuswala. Niiwe Katonda ow'obutuufu, nkusaba ondokole.

Zabbuli 71:2

Olw'obutuufu bwo ntoola aghabi omponie, tega kutu ompulirise era ondokole.

Danieli 9:16

Wo Musengwa, ku lwaife wakola ebintu kamaala ebyoleka ng'oli mutukuvu, kyenva ni nkusaba olekere okusungughalira einho otyo ekibuga kyo Yerusalemu, olusozi lwo olwo olutukuvu. Abantu boonaboona abali mu nsi edhitwezungulwire banhooma inho ekibuga kyo Yerusalemu, n'ife abantu bo twena baatunhooma, kuba ife ni badhaadha baife twayonoona.

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.