Zabbuli 141:2 - Baibuli Ekibono kya Katonda 2014

² Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Zabbuli 141:2 Iomraidhean Croise

1 Bakyabazinga 18:36

Ekiseera eky'okughaayo ekigheebwayo ekyeigulo bwe kyatuuka, Eliya omulanzi yaaseeta kumpi ni alutaari, yaakoba ati: “Wo Musengwa Katonda, Katonda wa Aburahamu, owa Isaaka, era owa Yakobo, olwaleero ka bakimanhe nga niiwe Katonda mu Isiraeli, era nga nze ndi mugheereza wo, era nga bino byonabyona mbikoze nga iwe omaze kundagira.

Ezera 9:4

Agho abo boonaboona abaalumirwa ebyo Katonda wa Isiraeli bye yayogera ku kibi ekyo abo abaira okuva mu bunhage kye baakola, baidha baaneetooloola agho ghe nali ntyaime nga nsobeirwa inho mu nnaku. Baabaagho okutuusa ku kiseera eky'okughaayo ekigheebwayo ekyeigulo.

Zabbuli 134:2

Mulingirize emikono gyaimwe eri ekifo ekitukuvu, musaake Musengwa Katonda.

Zabbuli 28:2

Ganha owulirise okulira kwange, nga nkusaba okumbeera, era nga nsituliire emikono eri eisinzizo lyo eitukuvu einho.

Zabbuli 5:3

Mpuuna bwe pwi pwi pwi naakusaba, wampulira. Mu nkyonkyo neetegeka okuwulira ebiva y'oli.

Zabbuli 63:4

Kale ni ndidha kukusiimanga obulamu bwange bwonabwona; ndidha kukusabanga n'emikono gyange ghaigulu.

Okuvaayo 29:39

Entaama eyindi oidha kugighangayo enkyo, ate eyindi ogighengayo eigulo.

Okuvaayo 35:15

Era tukozese bino: alutaari ey'okuniokezaaku obubbaani, n'emiti egy'okugibbeedesanga, n'omuzigo ogw'okusiiga, n'obubbaani obuwunha akawoowo, n'ekintu ekikinzaagho mu mulyango ogwingira mu Kifo Ekitukuvu Einho.

Ensambo 15:8

Musengwa Katonda yeenhinhata emisengo egy'ababi, aye yaasanhukira okusaba okw'abeesimbu.

Danieli 9:21

Bwe nali nga nkaasaba naabona omuntu ole, Gaburieli, eyali mu kubonekerwa okwasooka. Yaaguluka yaidha ghe nali mu kiseera eky'okugheerayo emisengo egy'eigulo.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Okubala 16:35

Agho Musengwa Katonda yaasindika omuliro gwayokya abantu ebikumi ebibiri n'ataanu abaali nga bali kuniosa obubbaani.

Ebikolwa by'Abatume 3:1

Agho olwatuuka Petero ni Yoanne baaniinaniina okuja mu isinzizo ku saawa omwenda, esaawa ey'okusaba.

1 Timotheo 2:8

Kale, nhenda abasaadha, buli ghantu woonawoona beeghembenga Katonda, nga baghanika emikono gyaibwe emitukuvu, nga bazira busungu oba ntaka.

Okwolekebwa 5:8

Bwe yakola ekyo, ebitonde ebiramu ebina (4) n'abakulembeze amakumi abiri n'abana (24), beeyala mu maiso ag'Entaama Ento. Buli mulala yali n'entongooli, n'ebibya ebya zaabu ebiidhwire obubbaani ng'okwo n'okusaba okw'abatuukirivu.