Zabbuli 140:3 - Baibuli Ekibono kya Katonda 2014

³ Enimi dhaibwe dhiita ng'oti misota; n'eminwa gyaibwe giri ng'oti girimu busagwa bwa kiyiri.

Zabbuli 140:3 Iomraidhean Croise

Amainhama 3:13

Musengwa Katonda yaabuuza omukazi ati: “Kiki kino ky'okoze?” Omukazi yairamu ati: “Omusota n'ogunkemenkereiza naalya.”

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Zabbuli 58:4

Bali n'obusagwa ng'oti bwa musota, ate baaba basigha ng'oti kiyiri, ekisemba amatu gaakyo,

Zabbuli 59:7

Wulira bwe bawowoigana nga baasaime. Ebibava mu kanwa mpiima dheene edhifumita, aye ng'ate balowooza bati ghazira ali kubawulira.

Ensambo 12:18

Omuntu ayogera nga tasoose kulowooza, ebibono bye bifumita ng'oti mpiima, aye ebibono ebyogerwa n'amagezi biwonia.

Ensambo 23:32

Ku nkomerero gukudhumika ng'oti n'omusota ogw'obusagwa.

Ensambo 6:14

Buli kiseera ategeka okukola ebibi mu mwoyo gwe ogwakiidhama eira, era yaasiikuulira baine ebizibu.

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Yeremia 9:5

Buli muntu aguya mwine, ezira ayogera bya mazima. Baanalirira kwogera bya buguya byereere, era tibalekera kwonoona ni beenenia.

Okulira 3:62

Ebibono abazigu bange bye boogera n'ebidhuubo bye baba nabyo olunaku lwonalwona, biba bya kuunumya nze.

Matayo 12:34

Imwe eizaire ery'emisota, musobola mutya okwogera ebikalamu nga muli babi! Ebiidhwire mu mwoyo, omunwa ti bye gwogera?

2 Ab'e Korintho 11:3

Aye ntya nti ng'omusota bwe gwakozesa olugezigezi lwagwo ni gusubagha Eva, ebirowoozo byaimwe bisobola okudaaliimizibwa, mwaloba kwegheerayo irala ye Kurisito mu mazima.