Zabbuli 140:13 - Baibuli Ekibono kya Katonda 2014

¹³ Bwenebwene abatuufu baidha kukusaakanga; abo abagondera ebiragiro byo baidha kubanga gh'oli.

Zabbuli 140:13 Iomraidhean Croise

Yobu 36:6

Taleka babi kusigalagho nga bakaali balamu. Era abanhigirizibwa abagha ekibagwaniire.

Zabbuli 11:7

Musengwa Katonda mutuufu era agonza ebikolwa eby'obutuufu. Abo abagondera ebiragiro bye n'abanaabanga mu maiso ge nga bamubona.

Zabbuli 16:11

Ondholeka engira entuusa mu bulamu; gh'oli n'aghali okusangaala okwidhuvu, mu mukono gwo omusaadha n'omuva okusagamba.

Zabbuli 23:6

Bwenebwene olw'okungonza kwo n'olw'okunsaasira kwo, oidha kubanga ghalala ninze, enaku dhoonadhoona edh'obulamu bwange. Era nga nkaagheeragho tija kuvanga mu ndhu ya Musengwa Katonda.

Zabbuli 32:11

Imwe abatuufu musangaale era musagambe olw'ebyo Musengwa Katonda by'akola. Imwe abagondera ebiragiro bye, mukube emizira.

Zabbuli 35:10

Ndisaaka Musengwa Katonda n'amaani gange goonagoona, nti: “Wo Musengwa Katonda, naani ali ng'oti niiwe? Iwe atoola omunafu n'omuwonia ow'amaani amuswikirira, era atoola omwavu n'omuwonia amunhagaku ebibye?”

Zabbuli 73:24

Ntambula nga njiira ku kugalaga kwo era ku nkomerero oliinanhiriza mu kitiisa.

Zabbuli 97:12

Imwe abatuufu, musagambe olw'ebyo Musengwa Katonda by'akola era mumusiimenga.

Ensambo 22:23

Kuba Musengwa Katonda aja kubalwanirira, era aja kwesimba mu abo ababatiisatiisa.

Isaia 3:10

Mukobere abatuufu muti ebyaibwe birungi, kuba baidha kuganhulwanga mu biva mu kukola kwaibwe.

Yoanne 14:3

Bwe ndimala okuja n'okubategekera ekifo ndiira naabatwala ye ndi, mwena mwaba ghe ndi.

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

1 Ab'e Thessalonika 4:17

memale ife abalamu, abaliba bakaasigairegho twatwalibwa ghalala nabo mu bire okwagaanana ni Musengwa mu ibbanga. Era olwo tubenga eyo ni Musengwa buliidho.