Zabbuli 14:6 - Baibuli Ekibono kya Katonda 2014

⁶ Abakozi b'ebibi balemya omwavu okutuukiriza entegeka dhe, ate nga Musengwa Katonda n'amukuuma.

Zabbuli 14:6 Iomraidhean Croise

Zabbuli 142:5

Wo Musengwa Katonda, nkulirira oidhe ombeere; niiwe onkuuma era niiwe wenka ye neesiga mu nsi muno.

Zabbuli 3:2

Abantu kamaala bankoba mbu iwe Katonda tolimbeera.

Zabbuli 4:2

Bantu imwe, mulirekera li okusiiga eriina lyange enziro? Mulirekera li okugonza ebiziramu muganhulo, n'okujiira ku buguya?

Zabbuli 40:17

Aye nze waire ndi munaku era omwavu, Musengwa Katonda taneerabira. Wo Katonda wange, niiwe ombeera era ontoola mu bizibu, yangughaku ombeere!

Zabbuli 42:10

Abazigu bange, bandi ng'oti ibwa lya ku mwoyo. Bandheeyereza n'ebivumo, eno bwebandeeba buli kiseera, bati: “Katonda wo ali gha?”

Zabbuli 46:1

Katonda n'omukuumi waife, era oyo n'amaani gaife, buliidho abaagho era nga mwetegefu okutubeera nga tuli mu buzibu.

Zabbuli 9:9

Musengwa Katonda n'obulumukiro bw'abo abazira bwogerero, era n'obubudamo mu biseera ebizibu.

Ezekieli 35:10

“Wakoba oti eighanga Buyudaaya ni Isiraeli, gombi gago ghalala n'ebiketezo byago, waire nga nze Musengwa Katonda waibwe nali nga ndigho.

Danieli 3:15

Mpegaano ni, oba nga olunaawulira muti okuvuga okw'endeka, n'endere, n'endingidi, n'endongo, n'entongooli, n'ebivuga ebindi, munaaba beetegefu okweyala ghansi musinze ekiwumbe kya zaabu kye nakola, olwo ghazira kabi kaidha kubatuukaku. Aye bwe munaaloba okukisinza, baidha kubasuula mangu ago mu kikoomi ekiri kugeigera omuliro. Ghaligho katonda yeenayeena anaabawonia nabatoola mu buyinza bwange?”

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.