Zabbuli 139:3 - Baibuli Ekibono kya Katonda 2014

³ Ombona nga ndi kutambula oba nga ndi kulambaala; ghazira kye nkola ky'otaidhi.

Zabbuli 139:3 Iomraidhean Croise

2 Samueli 11:27

Ekiseera eky'okulira bwe kyawaaku, Daudi yaatuma abakwenda baaleeta Bathisheba oyo mu kisaagaati kya kyabazinga, yaamufuula mukazi we, era yamuzaalira omwana omulenzi. Aye ekintu ekyo Daudi kye yakola kyasungughaza Musengwa Katonda.

2 Samueli 8:14

Agho yaata enkambi edh'abalwani mu Edomu mwonamwona, Abaedomu boonaboona baafuuka bagheereza be. Musengwa Katonda yaaghanga Daudi obughanguzi yoonayoona ye yajanga.

Yobu 23:10

Aye mwene aidhi engira ye ngema. Bw'alimala okundeba, alindhagaana nga ndi mutukuvu ng'oti ni zaabu omukenenule.

Yobu 31:4

Katonda tabona bwe neebisa, era tabona buli kigere kye nsitula?

Zabbuli 119:168

Ngema amateeka go ni by'onkoba byonabyona; kuba iwe ombona nga bwe neebisa.

Zabbuli 139:18

Bwengezaaku okubibala bisinga omusenho obungi. Bwenzuuka era mba nkaali n'iwe.

Omulangirizi 12:14

Era Katonda aja kutusalira omusango ku byonabyona bye tukola, ka bibe ebirungi oba ebibi, nga kw'otaire n'ebyo ebikolebwa mu ngiso.

Isaia 29:15

Bakagwireku abo abagezaaku okukweka ku Musengwa Katonda entegeka dhaibwe, era bye bakola ni biba bya mu nzikiiza, nga bakoba bati: “Naani atubona? Era naani aidhi bye tukola?”

Yeremia 23:24

Ghazira muntu asobola kwegisa ghe ntasobola kumubona. Timwidhi nga ndi buli ghantu, mu igulu ni mu nsi?

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”

Yoanne 13:2

Yesu n'Abeegeresebwa be baali balya ekyeigulo, era Sitaani yali amaze okuta mu mwoyo gwa Yuda Isikarioti mutabane wa Simoni ekidhuubo eky'okulya mu Yesu olukwe.

Yoanne 13:21

Yesu bwe yamala okwogera ebyo yaawulira obweraliikirivu mu mwoyo. Agho yaakakasa ati: “Bwenebwene ka mbakobere: ku imwe ghaligho anandyamu olukwe.”