Zabbuli 136:2 - Baibuli Ekibono kya Katonda 2014

² Musiime Katonda owa bakatonda boonaboona; okugonza kwe tikukoma, kubaagho byanda na byanda.

Zabbuli 136:2 Iomraidhean Croise

2 Ebyomubyanda 2:5

Era eisinzizo lye nja okuzimba lija kuba ikologho, kuba Katonda waife mukologho okusinga bakatonda boonaboona.

Zabbuli 82:1

Katonda atyama mu kityamo kye mu lwekobaano olw'omu igulu; emisambwa gyesoloza yaagisalira omusango ati:

Zabbuli 97:7

Abo boonaboona abasinza ebitali Katonda, ni beesaaka olw'okwesiga ebifaananie obufaananie ebyo ebiziramu na muganhulo, baswazibwa; kuba ebyo byonabyona bimukubira amakiryaivu.

Zabbuli 97:9

Wo Musengwa Katonda, niiwe oli ghaigulu yeene, ofuga ebintu byonabyona eby'oku nsi; oli mukologho okusinga bakatonda ab'amaghanga agandi boonaboona.

Okuvaayo 18:11

Buti ntegeire nga Musengwa Katonda wa maani okusinga bakatonda boonaboona, kuba yatoola abantu be mu ngalo edh'Abamisiri abaabeeyagalirangaku nga tibababonamu ka buntu.”

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Amateeka Agokubiri 10:17

kuba Musengwa Katonda waimwe, ni Katonda afuga bakatonda boonaboona, era ni Musengwa Katonda afuga basengwa boonaboona. Musengwa Katonda oyo, n'omukologho era ow'amaani ali n'okutiibwa. Tasaliriza era talya nguzi.

Yoshua 22:22

“Ow'amaani ni Katonda! Oyo ni Musengwa Katonda! Aidhi lwaki twakola ekyo era twenda mwena mukimanhe. Bwe tuba nga twadheema era nga tituli beesigwa eri Musengwa Katonda, mutwite tulobe kwongera kuba balamu.