Zabbuli 136:12 - Baibuli Ekibono kya Katonda 2014

¹² Oyo n'eyagolola omukono gwe ogw'amaani, n'abatoolayo n'engalo dhe; okugonza kwe tikukoma, kubaagho byanda na byanda.

Zabbuli 136:12 Iomraidhean Croise

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 15:6

Wo Musengwa Katonda, omukono gwo omusaadha gukola eby'amaani ebitaloodheka; gutentena omuzigu gwamukutulakutula.

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Yeremia 32:21

Watoola abantu bo Abaisiraeli mu Misiri ng'okozesa amaani go agataloodheka. Waakola ebyewuunhio n'ebyewuninkiriza, era waaleetera ebintu ebitiisa einho okubaagho.

Ebikolwa by'Abatume 7:36

Yaabakulembera yaaja ng'akola ebyewuunhio n'obumanhiso, e Misiri, mu Nhandha Emyufu, ni mu irungu, okumala emyaka amakumi ana (40).

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.