Zabbuli 135:19 - Baibuli Ekibono kya Katonda 2014

¹⁹ Imwe Abaisiraeli, musaake Musengwa Katonda; imwe bakabona abagheereza Katonda, musaake Musengwa Katonda!

Zabbuli 135:19 Iomraidhean Croise

1 Ebyomubyanda 29:20

Agho Daudi yaakoba abantu boonaboona abaali beesoloiza ati: “Musaake Musengwa Katonda, oyo Katonda waimwe.” Kale abantu boonaboona abaali beesoloiza baasaaka Musengwa Katonda, Katonda wa badhaadha baibwe. Baakuba amakiryaivu era baakutama n'ebyeni byatuuka ku itaka, baasinza Musengwa Katonda era baagha ni kyabazinga ekitiibwa.

Zabbuli 115:12

Musengwa Katonda oyo tatwerabira naire, aidha kutughanga enkabi; aidha kughanga Abaisiraeli enkabi, aghenga bakabona abagheereza Katonda enkabi,

Zabbuli 145:10

Wo Musengwa Katonda, ebitonde byo byonabyona biidha kukusaakanga, n'abantu bo boonaboona abakutya baidha kukusiimanga.

Zabbuli 148:14

Eighanga lye alighaire amaani, abantu be abamutya baamusaaka, abo nga n'Abaisiraeli b'agonza einho. Mwenamwena musaake Musengwa Katonda!

Okwolekebwa 19:5

Era amamiro gaava gha kityamo eky'obwakyabazinga nga gakoba gati: “Musaake Katonda waife mwenamwena imwe abagheereza be abamutya, abakulu n'abato.”