Zabbuli 133:2 - Baibuli Ekibono kya Katonda 2014

² Kiri ng'oti n'omuzigo ogw'omughendo gwe baasiiga ku mutwe gwa Aaroni Omukulu wa Bakabona, ogwakuuluula okutuuka ku kirevu kye, era ni gutuukira irala ni ku kitogi ky'ekanzu ye.

Zabbuli 133:2 Iomraidhean Croise

Zabbuli 141:5

Omuntu omukalamu amala gambonereza oba yandhuuka olw'okungemerwa ekisa, okusinga okuganha ekitiibwa ekimpeebwa abantu ababi, kuba tirekerangaku kusaba nga nvumirira ebikolwa byaibwe ebibi.

Okuvaayo 28:33

Okwezunguluza ekitundu eky'eifo eky'ekanzu, oidha kutungiraku ebifaananie eby'ebibala eby'oku muti omukomamawanga mu langi ya bbululu, n'eya nakasooma, n'eya kasaayisaayi. Era otungireku endege nga dha zaabu, nga dhiri ndalandala buli ghagati gh'ebifaananie eby'emikomamawanga ebibiri.

Okuvaayo 29:7

Bw'omala oidha kuleeta omuzigo ogusiigibwa ogumufuke ku mutwe omutukuze.

Okuvaayo 30:35

Ebyo byonabyona oidha kubitabulira ghalala nga bwe batabula ebizigo eby'okwesiiga, ofunemu obubbaani obuwunha akawoowo. Omwo oidha kutaamu omuunhu era bube butukuvu.

Okuvaayo 39:24

Okwezunguluza ekitundu eky'eifo eky'ekanzu, baatungiraku ebifaananie eby'ebibala eby'oku muti omukomamawanga mu lugoye olughegheevu olulukiibwa mu langi ya bbululu, n'eya nakasooma, n'eya kasaayisaayi.

Ensambo 27:9

Ebizigo n'obuwoowo obwesiigibwa bisangaaza omuntu, aye ebizibu bimuleetera okweinhamira.

Olwembo 1:3

Ebizigo bye weesiize biwunha kawoowo; eriina lyo irungi ng'oti n'ebizigo eby'akawoowo. Abaghala abaguna kyebava bakwegomba einho.

Abalevi 8:12

Yaasiiga Aaroni omuzigo ku mutwe okumwawula.

Yoanne 12:3

Maria yaatoola akadoome ak'omuzigo ogw'omughendo ogw'ekika kya narudo yaagusiiga ku bigere bya Yesu, era bwe yamala yaabisiimuuza enviiri dhe. Enhumba yaidhula akawoowo.