Zabbuli 132:5 - Baibuli Ekibono kya Katonda 2014

⁵ okutuusa nga ntairegho ekifo Musengwa Katonda mw'aba, ekifo Omukologho wa Yakobo mw'asula.”

Zabbuli 132:5 Iomraidhean Croise

2 Samueli 6:17

Baaleeta Esanduuku ya Musengwa Katonda baagita mu kifo kyayo, mu Weema Daudi ye yagisimbiragho. Daudi yaaghaayo eri Musengwa Katonda ebigheebwayo ebyokebwa, n'ebigheebwayo olw'okutabagana.

2 Samueli 7:1

Agho Musengwa Katonda yaaleetera Daudi okutyama mu miraala mu kisaagaati kye eky'obwakyabazinga, era yaaleetera abazigu be abaali bamwezungulwire okulekera okumulumbanga.

1 Bakyabazinga 8:17

Solomoni yaayongera okukoba ati: “Lata wange Daudi yali n'ekidhuubo eky'okuzimbira Musengwa Katonda wa Isiraeli eisinzizo.

1 Bakyabazinga 8:27

“Aye obwo bwenebwene iwe Katonda oghanga okuba ku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

1 Ebyomubyanda 15:12

Yaabakoba ati niimwe abakulu b'enda dha baiseimwe mu kika kya Levi. Mwetukuze imwe beene ni baganda baimwe, mughange okuleeta Sanduuku ya Musengwa wa Isiraeli mu kifo kye ngitegekeire.

1 Ebyomubyanda 15:3

Kale Daudi yaayeta Abaisiraeli boonaboona, baaja beesololeza e Yerusalemu okutwala Sanduuku ya Musengwa Katonda mu kifo kye yali agitegekeire.

1 Ebyomubyanda 22:7

Daudi yaakoba Solomoni oyo ati: “Mwana wange, nayenda inho okuzimbira Musengwa Katonda wange eisinzizo okumugheesa ekitiisa.

1 Ebyomubyanda 28:2

Agho kyabazinga Daudi yaayemerera, yaakoba ati: “Muwulire bye nkoba, imwe baganda bange era bantu bange. Nayenda inho okuzimbira Esanduuku y'Endagaano ya Musengwa Katonda endhu mw'enaabanga, kibenga ekifo Katonda waife mw'afugira. Era nali ntegeike okuzimba,

2 Ebyomubyanda 2:6

Aye naani asobola okumuzimbira eisinzizo, ate nga n'eigulu lyene erisingayo okuba ghaigulu tirisobola kumumala kubaamu, waire nga inene okwaga agho? Ninze ani asobola okumuzimbira eisinzizo, okutoolaku okumuteeragho ekifo obufo eky'okumuniokezaamu obubbaani?

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Ab'Efeso 2:22

Era mu oyo mwena muzimbibwa mwafuuka endhu ya Katonda mu Mwoyo.