Zabbuli 131:1 - Baibuli Ekibono kya Katonda 2014

¹ Wo Musengwa Katonda, nze tyekuluntaza, era tyebona nga ndi wa ghaigulu. Timala biseera byange nga neegomba bintu ebikologho bye ntatuukaaniraku, oba ebiswikiriire okutegeera kwange.

Zabbuli 131:1 Iomraidhean Croise

2 Samueli 6:22

Ndidha kwongera okwemalamu ekinhagansi n'okusinga agho, nfuuke anhoomebwa y'oli. Aye abairu abakazi b'oli kukoba, baidha kuntaamu ekinhagansi.”

Yobu 42:3

Obuuziiza oti, ‘Niiwe ani okutakania entegeka yange, ng'oyogera ebyoleka obutamanha?’ Bwenebwene ndhogeire ebintu bye ntategeera, ebinswikiriire era ebiinemye okumanha.

Zabbuli 101:5

Nja kuzikirizanga omuntu yeenayeena ageya mwine, era tija kuguminkiriza muntu eyeekulumbaza era eyeesaakiriza.

Zabbuli 122:1

Nasangaala inho bwe bankoba bati: “Tuje mu ndhu ya Musengwa Katonda.”

Zabbuli 124:1

Ha, ngoli Musengwa Katonda tiyali ku luuyi lwaife, abantu ba Isiraeli mukobe muti:

Zabbuli 133:1

Bwenebwene nga kirungi inho abantu ba Katonda okuba aghalala nga baisania!

Zabbuli 139:6

Okuntegeera kwo okwaga agho kuneewuninkiriza, era kuswikiriire amagezi gange.

Ensambo 21:4

Ababi batwalirizibwa okwebona n'okwekuluntaza, era ekyo kibi.

Yeremia 17:16

Aye nze tikupikirizangaku iwe obasindikire akabi koonakoona, era tibendezangaku batuuke ku buzibu. Ekyo iwe Musengwa Katonda okiidhi bukalamu. Bye nayogera byonabyona obiidhi.

Yeremia 45:5

Obwo iwe oli kwenda obisibwe mu nsambo ey'endhawulo? Busa naire, ebyo biveeku. Ndidha kuleeta akabi ku bantu boonaboona. Aye iwe weesuneku, kuba oidha kuwoniangagho obulamu bwo, eyo yoonayoona y'olija. Nze Musengwa Katonda, ninze nkobye.”

Okubala 12:3

Musa yali muntu muwombeefu inho, okusinga abantu boonaboona ab'oku nsi.

Matayo 11:29

Mubbeede ekikoligo kyange, era mundhegereku kuba nze ndi muwombeefu era tyegulumiza agho emyoyo gyaimwe giribatereera

Ebikolwa by'Abatume 20:19

Naagheereza Musengwa n'obugonvu bwonabwona era n'amaziga, n'okulebwa okwantuukaku olw'Abayudaaya okuneeteega.

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

Ab'e Roma 12:16

Mwisanienga mwenamwena. Muteekudumbazanga aye mubitenga n'abaghafu. Mulobe kwetwalanga ng'abagezi.

Amateeka Agokubiri 17:20

Bw'anaakolanga atyo, ekyo kinaamuwonianga okwekuluntaza n'okulowooza ati n'asinga Baisiraeli baine. Era kyamuwonia okudaaliimanga n'ava ku biragiro bino. Olwo anaaghangaaliranga ku bwakyabazinga bwe, ni baidhukulu be abalimwiririra boona baabughangaaliraku, mu Isiraeli.”

1 Ab'e Thessalonika 2:10

Imwe abaikiriza muli badhulirwa baife era ni Katonda atudhulira, nga twebisanga eri mwe ng'abatukuvu, abatuufu era abaziraku musango.

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.

1 Samueli 16:18

Ghaabaagho omwisuka yaakoba ati: “Bona eno, nze nabona eyo mutabane wa Yesse Omubethelehemu ng'aidhi inho okugikuba. Omusaadha oyo mulwani wa ntalo aziramu ntete, mwogezi mulungi, mulungi mu mboneka ye, era Musengwa Katonda ali naye.”

1 Samueli 16:22

Saulo oyo yaatuma ye Yesse ng'amukoba ati: “Ndekera Daudi asigale ng'akampeereza, kuba nsiima by'akola.”

1 Samueli 17:15

yali n'okujanga ye Saulo okubaluutaku, era n'okujanga e Bethelehemu okwaya entaama dha ise.

1 Samueli 18:23

Agho abagheereza ba Saulo, baakoba Daudi batyo. Daudi yaabakoba ati: “Mukyeta kintu kitono omuntu ng'oti ninze okuba mukoirume wa kyabazinga, ate nga ndi mwavu era atamanhiibwa naire?”