Zabbuli 130:3 - Baibuli Ekibono kya Katonda 2014

³ Wo Musengwa Katonda, nguli weegemerera ebibi by'abantu, naani eyandiwonie okuzikirira?

Zabbuli 130:3 Iomraidhean Croise

Ezera 9:15

Wo Musengwa Katonda wa Isiraeli, iwe osala mu butuufu, aye watusaasira twawonagho okutuusa ni mperaano. Bona, tuli ghano mu maiso go nga tuliku omusango, ate nga titugwaniire na kwemerera mu maiso go olw'omusango ogwo.”

Yobu 10:14

Waneekalirisanga obone oba nga nkola ekibi, olwo olobe okukinsonigha.

Yobu 15:14

Omuntu obuntu asobola okuba omulongoofu? Omuntu eyazaalibwa obuzaalibwe, Katonda aghanga okumubala ati mutuufu?

Yobu 9:20

Waire nga nziraku musango, bye ndhogera bigunsinza. Waire nga nziraku kye baananga, mwene ayoleka nga bwendi omukyamu.

Zabbuli 143:2

Nze omugheereza wo otandhiza mu bya kwewozaaku, kuba ezira muntu mulamu azira musango mu maiso go.

Zabbuli 76:7

Wo Musengwa Katonda, ghazira atakutya, ghazira akana n'asigala agho mu maiso go, bw'oba ng'osungughaire.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Malaki 3:2

Aye naani alisobola okugumira olunaku olwo lw'aliidhiraku? Era bw'aliboneka, naani alisobola okusigalagho ng'akaali mulamu? Ali ng'oti ni saabbuuni atumbeera einho, era ng'oti n'omuliro ogukenenula ebyuma.

Amateeka Agokubiri 9:27

Idhukira abagheereza bo, Aburahamu, Isaaka, ni Yakobo. Otalingirira mpwitu ya bantu bano, waire ebibi byaibwe, oba waire okwonoona kwaibwe.

Okwolekebwa 6:17

kuba olunaku olw'obusungu bwayo lutuuse, naani asobola okuwona?”