Zabbuli 13:3 - Baibuli Ekibono kya Katonda 2014

³ Wo Musengwa Katonda wange, mbeera otansiriikirira, ndhiriza amaani gange ndobe kufa.

Zabbuli 13:3 Iomraidhean Croise

Ezera 9:8

Aye mperaano mu kiseera ekitono kiti, Musengwa Katonda waife atwoleike ekivunika, yaaleetera abandi ku ife okuwonagho era yaatugha okuba abagumu mu kifo kye kino ekitukuvu. Olwo Katonda waife oyo yaatuwonia obwiru, yaatugha obulamu obuyaaka.

Zabbuli 119:153

Nkusaba obone bwendaazibwadaazibwa omponie, kuba nze tyerabira mateeka go.

Zabbuli 18:28

Wo Musengwa Katonda, onkunaanikiiza eitaala waamingaku enzikiiza.

Zabbuli 25:19

Lingirira obungi obw'abazigu bange era obone nga bwe baneeguguna nga benda bwa kundhita

Zabbuli 31:7

Ndidha kusangaalanga era nsagambenga olw'okugonza kwo okutakoma; kuba obona okudaazibwadaazibwa kwange, era ofaayo ku bizibu byange.

Zabbuli 5:1

Wo Musengwa Katonda, wulirisa ebibono byange, era otansiriikirira bwe nsinda.

Zabbuli 9:13

Wo Musengwa Katonda, nkusaba ondhune! Bona bwe ndaazibwadaazibwa abazigu! Ntoola mu ngalo dha walumbe

Yeremia 51:39

Nga bwe bali n'amairu, ndibategekera embaga, naabatamiiza baasangaala. Memale baaja baatenduka endoolo, aye baaloba kwiramu kuzuuka.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Okulira 5:1

Wo Musengwa Katonda, idhukira ebyo abazigu baife bye baatutuusaaku. Bwenebwene lingirira obone bwe twaswala!

Luka 2:32

Ekimulika eky'okumulisa amaghanga ekitiisa, eky'abantu bo Abaisiraeli.”

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.

1 Samueli 14:27

Aye Yonathani yali tawuliire ise ng'asikirira abantu n'ekirayiro. Kale yaatoola omwigo gwe yali agemye, yaagusonka mu bisasala by'endhuki, yaagutoolesaayo omudheenene yaagulya, yairamu amaani.

1 Samueli 14:29

Yonathani yairamu ati: “Lata wange aleeteire abantu kudaagadaaga budaagedaage. Bona nze bwe ndhizeemu amaani olw'okulyaku obw'akatono ku mudheenene guno.