Zabbuli 128:3 - Baibuli Ekibono kya Katonda 2014

³ Mu maka go, mukazi wo aidha kubanga ng'oti n'omuzabbibu ogwama einho, ate abaana bo babenga oti miti emyoliva emito, nga beezungulwire ekiiwulo.

Zabbuli 128:3 Iomraidhean Croise

Amainhama 49:22

Yosefu ali ng'oti n'omuti ogwama einho, oguli okumpi n'ensulo y'amaadhi, ng'ensaga dhaagwo dheeyandhaliire ghaigulu ku kimante.

1 Ebyomubyanda 8:40

Batabane ba Ulamu baali balwani ba maani, abakugu mu kulasa obusaale. Baaliku abaana n'abaidhukulu kamaala, nga boonaboona aghalala baghera kikumi n'ataanu. Abo boonaboona n'abaali mu kika kya Benjamini.

Zabbuli 127:3

Bona eno, abaana n'omugabo omuntu gw'afuna okuva ku Musengwa Katonda. Bw'ozaala, Musengwa Katonda aba akughaire bwa kirabo.

Zabbuli 127:5

Yeesiimye oyo ali n'ekiruutu kye ekiidhwire obulaso obwo, kuba abazigu be tibaja kumusinga ng'ali mu kifo aghasalirwa ensonga.

Zabbuli 144:12

Batabane baife nga bali kwisuka bagwananga baaba oti bisimbe ebikula n'amaani ni baghala baife baaba ng'oti n'empango endholige, edhigemerera endhu ya kyabazinga mu nsonda.

Zabbuli 52:8

Aye nze ndi ng'oti n'omuti omwoliva omugimu, ogukulira mu ndhu ya Katonda. Nkakasa nga Katonda aidha kungonzanga obutalekera ebyanda n'ebyanda.

Yeremia 11:16

Ghaligho olundi lwe nabeetaku omuti omwoliva ogusagaatiriire amakaba n'ebibala ebiboneka obulungi einho. Aye buti ndidha kugusindikaku kiwunga ow'amaani alimu n'okutyabuka, agukunaanieku omuliro, ensaga dhaagwo dhisiriire.

Ezekieli 19:10

Inhoko yali ng'oti muzabbibu gwe basimbye mu isamba kumpi n'amaadhi, ni guba n'ensaga kamaala era nga gubala inho ebibala.

Ab'e Roma 11:24

Oba nga iwe olusaga olw'omuti omwoliva ogw'omu nsiko, wawogolwa waateebwa ku muti omwoliva ogw'omu nimiro kw'otaatonderwa, memale ensaga edhaatonderwa ku muti ogwo tidhirisingagho kuba nhangu okwizibwa ku muti gwadho gwene?