Zabbuli 128:2 - Baibuli Ekibono kya Katonda 2014

² Oidha kutoolanga eky'okulya mu mirimo gy'okola; oidha kubanga musangaavu, nga buli kintu kikujiira bukalamu.

Zabbuli 128:2 Iomraidhean Croise

Amainhama 3:19

Oidha kufaabiikananga era ogezimulenga, memale ofunenga eky'okulya, okutuusa lw'oliirayo mu itaka mwe wakolebwa. Mu itaka mwe wava, era mu itaka mw'oliira.”

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 109:11

Ole amubandha agwananga yaamugemaku ebibye byonabyona yaabitwala, n'abantu b'ataidhi baamukambulaku ebintu bye byonabyona bye yafuna mu maani ge.

Omulangirizi 8:12

Aye waire ng'omwonooni asobola okukola ebibi emikuzi kamaala ate yaaghangaala inho, nze ndidhi nti abo abatya Katonda baidha kubanga bukalamu olw'okumutya.

Isaia 3:10

Mukobere abatuufu muti ebyaibwe birungi, kuba baidha kuganhulwanga mu biva mu kukola kwaibwe.

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Isaia 65:13

Kale ni, nze Musengwa Katonda nkoba nti, abo abansinza balirya era baanhwa, aye imwe endhala eribaluma n'endiwo yaabagema. Beene balisagamba, aye imwe muliswazibwa.

Yeremia 22:15

Olowooza oti okuzimbisa omuvule, kikufuula kyabazinga inho okusinga bakyabazinga abandi? Lata wo yalyanga era yaanhwanga ng'akola amazima n'ebituufu. Era ebintu byamujiiranga bukalamu.

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

Ab'Efeso 6:3

“Lw'onaasobola okuba obukalamu era n'okughangaala ku nsi.”

Amateeka Agokubiri 28:11

Era Musengwa Katonda aidha kubaghanga ebirungi kamaala, muzaale abaana, mube n'ebyayo bingi era mwaze ebirime mu itaka lyaimwe, mu nsi Musengwa Katonda ye yasuubiza badhaadha baimwe okubagha.

Amateeka Agokubiri 28:39

“Mwidha kusimbanga amasamba g'emizabbibu era mugalabirirenga bukalamu, aye timuukungulengamu mizabbibu, waire okunhwa ku mwenge gwagyo, kuba obusiisa bwidha kugiryanga.

Amateeka Agokubiri 28:4

“Mwidha kubanga n'enkabi, muzaale abaana kamaala era mwaze ebirime, n'ente, n'entaama, n'embuzi.

Amateeka Agokubiri 28:51

Balirya ensolo dhaimwe n'emere yaimwe ye mulimye, aghazira kubalekeragho ngaano, na mwenge gwa mizabbibu, na muzigo gwa bibala bya miti myoliva, oba ente, n'entaama, n'embuzi. Balikola batyo okutuusa lwe balibasaanizaagho irala.

Amateeka Agokubiri 28:8

“Musengwa Katonda waimwe aidha kubaghanga enkabi mu byonabyona bye munaakolanga, aidhuzenga emere mu byagi byaimwe. Aidha kubaghanga enkabi mu nsi y'ali kubagha.