Zabbuli 123:4 - Baibuli Ekibono kya Katonda 2014

⁴ Tusiniirwa okuvumibwanga abo abali obukalamu n'okunhoomebwanga abo abeekuluntaza.

Zabbuli 123:4 Iomraidhean Croise

Nehemia 2:19

Aye Saniballati ow'e Bethi Horoni, ni Tobia omugheereza Omuammoni, ni Geshemu Omuwarabu, bwe baawulira kye tutegeka okukola, baatusekerera inho era baatunhooma. Batubuuza bati: “Muli kukola ki ekyo? Muli kudheemera kyabazinga?”

Yobu 12:5

Omuntu azira nnaku asekerera ole adaaga. Omuntu adaagadaaga era n'aidhirwa ebizibu.

Yobu 16:4

Zeena nandisoboire okwogera nga bwe mwogeire, ngoli niimwe omuli mu mbeera nze ye ndimu. Nandiboogereire ebisongovu, nga bwe ntengeesa n'omutwe nga mbanhooma.

Zabbuli 119:51

Abo abeekuluntaza baanhoomerera, aye tija kukyuka kuva ku mateeka go.

Isaia 32:11

Imwe abakazi abali obukalamu mutengere olw'okutya, imwe abali mu idembe mudhugumire. Mutoolemu ebivaalo byaimwe mube madu, mwesibe ekutiya mu nkende olw'enaku.

Isaia 32:9

Imwe abakazi abali obukalamu mu idembe, muwulire bye nkoba.

Yeremia 48:11

Musengwa Katonda yaakoba ati: “Abantu b'omu Moabu buliidho babaire nga baba mu miraala, nga bazira kibeeraliikiriza, era nga tibatwalibwangaku mu bunhage. Bali ng'oti n'omwenge ogw'emizabbibu ogulekeibwa agho okulaala, nga ghazira agulengulula kugutoola mu nsugha eno kugufuka mu yindi. Akawoowo kaagwo nga tikakyukangaku era nga n'obuwoomi bwagwo tibukendeerangaku naire.

Yeremia 48:27

Iwe Moabu, lwaki mwasekerera Abaisiraeli? Lwaki mwababisa ng'oti ni be mugemeire mu kikuukuulu eky'abaibi nga bali kunhagulula?

Yeremia 48:29

Nawulira abantu b'e Moabu nga bwe beekuluntaza. Beekuluntaza inho, beetwala okuba aba ghaigulu, beedundeeza, beedunkumaza, era beebona inho bonka.

Amosi 6:1

Mukagwireku imwe abali obukalamu mu Sioni! Mukagwireku imwe abawulira emiraala nga muli eyo ku nsozi edh'e Samaria imwe abantu ab'ebitiisa mu ighanga eikologho ery'Abaisiraeli, imwe Abaisiraeli boonaboona ye baidha okunoonia obuyambi.

Ebikolwa by'Abatume 17:21

Kuba abantu abaabanga mu Athene, abatyamye n'abatali batyamye, baamalanga ebiseera byaibwe byonabyona mu kwogera na kuwulirisa biyaaka.

Ebikolwa by'Abatume 17:32

Bwe baawulira Paulo ng'ayogera ku kuzuukira abandi baamusekerera aye abandi baakoba bati: “Olitukoberaku kino kabiri olundi.”

Ebikolwa by'Abatume 26:24

Paulo bwe yawoza atyo, Fesito yaayogerera ghaigulu ati: “Paulo olalwike! Okwegeresebwa einho kukulalwisa!”

1 Ab'e Korintho 4:13

Bwe batwogeraku obubi, ife tuboogeraku bukalamu. Twafuuka era tuli ng'oti n'ebikaba eby'ensi eno mu buli kintu tuli ng'oti iseedha buseedha.

1 Samueli 17:42

Omufilisiti bwe yalinga ati n'abona Daudi, yaamunhoomerera, kuba yali mwisuka bwisuka, ng'anhirira era ng'aboneka bulungi.