Zabbuli 123:3 - Baibuli Ekibono kya Katonda 2014

³ Wo Musengwa Katonda, tusaasire era tusaasirire irala, kuba tunhoomeibwa inho okusinga bwe tugwaniire.

Zabbuli 123:3 Iomraidhean Croise

2 Samueli 6:16

Esanduuku ya Musengwa Katonda bwe baali bali kugireeta mu kibuga kya Daudi, Mikali mughala wa Saulo yaalengeza mu dinisa yaalinga kuliya, yaabona kyabazinga Daudi ng'ali kutuuma bw'akinira Musengwa Katonda. Yaamunhooma mule.

2 Bakyabazinga 19:3

Baamukoba bati: “Hezekia akoba ati, ‘Olunaku luno lwa kudaazibwadaazibwa, kubonerezebwa na kuswazibwa. Tuli ng'oti n'omukazi atuusiisa okuzaala, aye ng'aziramu maani gasindika mwana.

Yobu 19:15

Abantu be nakyazanga ewange baneerabiire, abairu bange abakazi bambisa ng'oti mugwira era ow'endha.

Zabbuli 4:1

Katonda wange, iwe aidhi obutuufu bwange ndi kukweta otansiriikirira. Bwe nali ghagati mu buzibu, wanteewuluza. Idha ondhune, owulirise okusaba kwange.

Zabbuli 57:1

Wo Katonda wange, nsaasira era nsaasirira irala, kuba niiwe ye neesiga. Mpambaatira ng'oti n'enkoko bw'ekola obwana bwayo, okutuusa kiwunga ono azikiriza ng'amaze okubita.

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Okulira 3:30

Era omuntu oyo atafangayo ku mikuzi emeka gy'akubiibwa, oba ku bivumo ki by'avumiibwa.

Ezekieli 36:15

Tiriganha maghanga gandi kukuvumanga, waire okuleka abantu okukuswazanga, oba iwe ensi Isiraeli yeene okwirayo okufiirizanga eighanga lyo. Nze Musengwa Katonda ninze nkobye.”

Ezekieli 36:6

“Agho ni langa ebigema ku nsi Isiraeli, era okobere ensozi, n'obusozi, n'obwinhamo, n'ebiiko, oti nze Musengwa Katonda ndi kwogeza obusungu bubitirivu olw'enkikidi ye ndi nayo ku lwabyo, kuba byavumibwa amaghanga.

Luka 16:14

Mperaano Abafarisaayo, kuba baali benda inho eby'obukombe, bino byonabyona baabiwulira aye baamusekerera.

Luka 23:35

Abantu baayemerera agho beerolera, ate abafuzi baamusekerera bati: “Yalokolanga abandi, yeerokole mwene, oba nga ni Kurisito wa Katonda omulonde!”