Zabbuli 123:1 - Baibuli Ekibono kya Katonda 2014

¹ Wo Musengwa Katonda, ningiriire ku iwe eyo mu igulu, y'oli ku kityamo eky'obwakyabazinga.

Zabbuli 123:1 Iomraidhean Croise

1 Bakyabazinga 8:30

Wulirisanga bye nnaakusabanga nze omugheereza wo, era n'abantu bo Abaisiraeli bye banaakusabanga nga balingiriire ekifo kino. Bwenebwene tuwulirisenga ng'oli mu igulu eyo y'oba, era otusonighenga ng'otuwuliire.

Zabbuli 11:4

Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

Zabbuli 115:3

Ife Katonda owaife ali mu igulu era ky'ayenda ky'akola.

Zabbuli 120:1

Bwe nali mu kabi nalirira Musengwa Katonda ampulire antoole mu kabi ako.

Zabbuli 121:1

Ningirira ensozi neebuuza nti: “Naani anambeera?”

Zabbuli 122:1

Nasangaala inho bwe bankoba bati: “Tuje mu ndhu ya Musengwa Katonda.”

Zabbuli 124:1

Ha, ngoli Musengwa Katonda tiyali ku luuyi lwaife, abantu ba Isiraeli mukobe muti:

Zabbuli 125:1

Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

Zabbuli 126:1

Musengwa Katonda lwe yatwiza mu Sioni, twali ng'oti tuloota buloote.

Zabbuli 127:1

Musengwa Katonda mwene bw'atazimba ndhu, abagizimba badaagira bwereere; Musengwa Katonda mwene bw'atakuuma kibuga, omukuumi amogera bwereere.

Zabbuli 128:1

Wa nkabi oyo atya Musengwa Katonda, n'atambulira ku mateeka ge.

Zabbuli 129:1

“Okuva mu buto bwange abazigu bange babaire bandaazadaaza inho.” Abantu ba Isiraeli mukobe muti:

Zabbuli 130:1

Wo Musengwa Katonda, nkulirira kuba ndi mu buzibu kamaala inho.

Zabbuli 131:1

Wo Musengwa Katonda, nze tyekuluntaza, era tyebona nga ndi wa ghaigulu. Timala biseera byange nga neegomba bintu ebikologho bye ntatuukaaniraku, oba ebiswikiriire okutegeera kwange.

Zabbuli 132:1

Wo Musengwa Katonda, oteerabira mugheereza wo Daudi era oteerabira bukaluubirivu bwe yagumira.

Zabbuli 133:1

Bwenebwene nga kirungi inho abantu ba Katonda okuba aghalala nga baisania!

Zabbuli 134:1

Mwidhe tusaake Musengwa Katonda, imwe mwenamwena abagheereza ba Musengwa Katonda ababa mu ndhu ye obwire nga mugheereza. Musaake Musengwa Katonda.

Zabbuli 141:8

Aye nze amaiso gange gali ku iwe Musengwa Katonda wange. Niiwe ye neesiga, otandekulira agho mu batemo.

Zabbuli 2:4

Musengwa Katonda ali ku kityamo kye eky'obwakyabazinga mu igulu, abasekerera era anhooma entegeka dhaibwe edh'ekidoofu.

Zabbuli 25:15

Amaiso gange ngata ku Musengwa Katonda buliidho, kuba n'anteekuluza mu lutuula olw'omuzigu wange.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Matayo 6:9

Agho ni musabanga muti: ‘Iseife ali mu igulu, eriina lyo litiibwe.

Luka 18:13

Aye omughooza w'omusolo, yaayemerera ghalaku era nga tayenda na kusitulira maiso eri eigulu, yeekuba mu kifuba bw'akoba ati, ‘Katonda wange, nsaasira nze omwonooni!’