Zabbuli 122:5 - Baibuli Ekibono kya Katonda 2014

⁵ Omwo bakyabazinga boonaboona abaajanga nga basikira kyabazinga Daudi, mwe baatyamanga okulamula abantu baibwe.

Zabbuli 122:5 Iomraidhean Croise

2 Samueli 8:18

Benaia mutabane wa Yehoiada yaakulira Abakerethi n'Abapelethi. Ate batabane ba Daudi baaba bakabona.

1 Bakyabazinga 7:7

Yaazimba endhu eyetebwa Endhu ey'Ekityamo eky'Obwakyabazinga era eyatuumibwa eriina Endhu ey'Okulamuliramu. Omwo mwe yasaliranga emisango. Ku bimante eby'omu ndhu eyo kwonakwona, okuva ghansi okutuuka ghaigulu, yaaghembaku embaawo edh'omuvule.

2 Ebyomubyanda 11:22

Rehoboamu yaalondamu Abiya mutabane wa Maaka okukulira baana baine boonaboona, kuba oyo ye yayenda amusikire.

2 Ebyomubyanda 19:8

Ate mu Yerusalemu, Yehoshafati oyo yataamu Abalevi, ni bakabona, n'abandi ku bakulira enda mu Isiraeli, yaabagha okusalanga emisango egiizibwa ku Mateeka ga Musengwa Katonda, n'okulamulanga enkaayana mu bantu.

Amateeka Agokubiri 17:18

Bw'alityama ku kityamo kye eky'obwakyabazinga, alyeghandiikira amateeka gano mu kitabo ng'agatoola mu ekyo ekiri ni bakabona Abalevi.

Amateeka Agokubiri 17:8

“Ghasobola okubaagho emisango gye mutasobola kusalira mu bibuga byaimwe: ng'egy'abakaayanira ebintu, oba egy'ebiwundu ebituusiibwa ku bantu, oba egy'okwawulagho obutemo n'okwita omuntu ng'ole tagendereire. Ekyo bwekinaabangagho, munaasitukanga mwaja mu kifo Musengwa Katonda waimwe ky'aliba ng'alonzeegho okumusinzizangamu.