Zabbuli 121:3 - Baibuli Ekibono kya Katonda 2014

³ Musengwa Katonda oyo taja kukuganha kugwa, oyo n'omukuumi wo ataja kuwongera naire.

Zabbuli 121:3 Iomraidhean Croise

Zabbuli 127:1

Musengwa Katonda mwene bw'atazimba ndhu, abagizimba badaagira bwereere; Musengwa Katonda mwene bw'atakuuma kibuga, omukuumi amogera bwereere.

Zabbuli 41:2

Musengwa Katonda aidha kumukuuma nga mulamu, aidha kwetebwanga wa nkabi mu nsi. Musengwa Katonda talimulekulira agho bazigu be kumukola nga bwe benda.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Zabbuli 66:9

Atugha obulamu yaatukuuma, era tatuganha kugwa.

Zabbuli 91:12

Balikulera mu ngalo dhaibwe olobe kwekonta kigere ku ibaale.

Ensambo 2:8

Akubiriza abantu be okusalanga mu obutuufu, era yaalabirira abo abamutya.

Ensambo 3:23

Olwo oidha kutambulanga bukalamu mu ngira yo nga ghazira kikutiisa, era ekigere kyo tikiidhanga kwekontola naire.

Ensambo 3:26

Musengwa Katonda aidha kukugumyanga, era aidha kukukuumanga olobe kugwa mu mitego.

Isaia 27:3

Nze mwene ndirabirira, naalifukirira amaadhi buli kaseera. Era ndikuuma omusana n'obwire ghalobe kubaagho ekirituukaku okulyonoona.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.