Zabbuli 120:4 - Baibuli Ekibono kya Katonda 2014

⁴ Mugwana kwitibwa na byogi, na kwokebwa kusiriira!

Zabbuli 120:4 Iomraidhean Croise

Zabbuli 45:5

Obulaso bwo bwogi bwene, bufumita omwoyo gw'abazigu bo, amaghanga n'amaghanga gaagwa ghansi ku bigere byo.

Zabbuli 52:5

Aye Katonda aidha kukuzikiriza ebyanda n'ebyanda; aidha kukuswankula mu ndhu yo akukwekwebye; aidha kukutoola mu nsi ey'abalamu.

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Zabbuli 59:7

Wulira bwe bawowoigana nga baasaime. Ebibava mu kanwa mpiima dheene edhifumita, aye ng'ate balowooza bati ghazira ali kubawulira.

Zabbuli 7:13

amaze okutegeka ebiisi eby'okubaitisa, era n'obulaso obwaka omuliro.

Ensambo 11:12

Ole anhooma baine aba aziramu kategeera, aye ali n'okutegeera asirika busirike.

Ensambo 11:18

Omukozi w'ebibi yeerimba ati katyo anaabifunamu empeera emugasa, aye ate omuntu omutuufu n'afuna empeera yeene egasa.

Ensambo 11:9

Omuntu atatya Katonda by'ayogera bighanga okuzikiriza muntu mwine, aye omutuufu amagezi gamuwonia okugwa mu bizibu.

Ensambo 12:22

Musengwa Katonda akyagha aboogera eby'obuguya, aye asangaalira abo abeesigwa mu bye bakola.

Ensambo 16:27

Omuntu omubi era azira mugaso asala amagezi okukola ebibi, ni by'ayogera biba ng'oti muliro oguleeta okuzikirira.

Ensambo 18:21

Omuntu by'ayogera bisobola okwita oba okulamya. Kale abo abenda einho okwogera bali n'okugumira byonabyona ebiva mu bye boogera.

Ensambo 18:8

Ebibono eby'omuntu ow'olubono biri ng'oti mere ewooma einho, biika byatuukira irala mu nda.

Ensambo 19:5

Omuntu agha obudhulizi obw'obuguya aja kubonerezebwa, era oyo ayogera eby'obulimba azira gh'aliwonera.

Ensambo 19:9

Omuntu agha obudhulizi obw'obuguya aja kubonerezebwa, era oyo ayogera eby'obulimba wa kuzikirira.

Yeremia 9:7

Kale ni Musengwa Katonda oyo Afuga Amagye akoba ati: “Bona eno, ndidha kubasaanuusa ng'omuntu bw'asaanuusa ekyuma, era mbeekebeedhe; kuba nzira kindi kya kukolera bantu bange abo.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”