Zabbuli 12:5 - Baibuli Ekibono kya Katonda 2014

⁵ Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 12:5 Iomraidhean Croise

Yobu 5:15

Aye Katonda awonia abaghafu okwitibwa; abali mu bwetaavu yaabawonia okutuntuzibwa ab'amaani.

Yobu 5:21

Aidha kukuwonianga abakwogeraku eby'obuguya; toidha kutyanga kuzikirira, bwe kunaidhanga.

Zabbuli 10:12

Wo Musengwa Katonda, idha! Katonda wange, kozesa omukono gwo ogw'amaani. Oteerabira abo abadaazibwadaazibwa!

Zabbuli 10:18

Tega kutu owulirise bamulekwa n'abatuntuzibwa, obasalire omusango mu butuufu basinge, olwo ghabule omuntu yeenayeena ku nsi atiisatiisa obulamu bwa baine.

Zabbuli 10:5

Omukozi w'ebibi kiisi ky'agemaku kimulamira. Tafaayo ku nsambo Katonda y'asaliramu bantu misango, era abazigu be ababona ng'omuzira kantu.

Zabbuli 31:19

Bwenebwene ebirungi biri kamaala, by'oterekeire abo abakutya. Abantu boonaboona babona by'okolera abo abakwesiga.

Zabbuli 34:6

Omuntu omunaku Musengwa Katonda amuwulira yaamuwonia, yaatoolagho ebizibu bye byonabyona.

Zabbuli 73:8

Boogera ku bantu abandi nga banhoomerera, nga benda okubakola obubi. Olw'okwekuluntaza kwaibwe beesoomera okukiriga bantu banaibwe.

Okuvaayo 5:2

Aye kyabazinga yaabakoba ati: “Musengwa Katonda naani, ye ndi n'okuwulira era ni ndeka Abaisiraeli okuja? Nze tiidhi Musengwa Katonda oyo, era tiidha kuleka Baisiraeli kuva ghano.”

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 18:21

Omuntu by'ayogera bisobola okwita oba okulamya. Kale abo abenda einho okwogera bali n'okugumira byonabyona ebiva mu bye boogera.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Omulangirizi 5:8

Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Isaia 19:20

Obwo buliba bumanhiso obwoleka nga Musengwa Katonda Afuga Amagye ali mu nsi Misiri. Era abantu bwe balimulirira nga bali kutuntuzibwa, alibatumira omuyambi yaabalwanirira era yaabawonia.

Isaia 33:10

Musengwa Katonda akoba amaghanga ati: “Mpegaano ndidha kusituka, ndholeke obuyinza bwange n'amaani gange.

Ezekieli 18:18

Aye ise olw'okuba yali mukupankupania, ng'anhaga ku bantu ebyaibwe era ng'akola ebitali birungi, alifa olw'ebibi bye yakola.

Hosea 7:16

Banvaaku baasinza omusambwa Baali, bali ng'oti kalaso akagodobanu akateesigika kuteeba. Abakulembeze baibwe balifiira mu ntalo olw'okwogera nga beesuuta. Era balisekererwa mu nsi Misiri.”

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.

Abalamuzi 10:16

Kale baasuula ere bakatonda b'abamaghanga agandi, baasinza Musengwa Katonda. Musengwa Katonda oyo yaawulira enaku ku mwoyo olw'okudaazibwadaazibwa kwa Isiraeli.