Zabbuli 119:2 - Baibuli Ekibono kya Katonda 2014

² Ba nkabi abo abakola kiisi Musengwa Katonda ky'abakoba, ni bajiira ku by'abagalagira n'omwoyo gwonagwona

Zabbuli 119:2 Iomraidhean Croise

1 Bakyabazinga 2:3

Otuukirizanga ebyo byonabyona Musengwa Katonda wo by'ayenda okole, ng'ojiira ku ebyo by'akukoba mu mateeka ge ni mu biragiro bye, nga bwe byaghandiikibwa mu Mateeka ga Musa. Olwo obenga n'enkabi mu byonabyona by'onaakolanga, ni yoonayoona y'onaajanga.

1 Ebyomubyanda 22:19

Kale ni, mperaano mugheerezenga Musengwa Katonda waimwe n'omutima gwaimwe era n'omwoyo gwaimwe gwonagwona. Musitukiremu, mutoolere okuzimba eisinzizo, musobole okutaamu Esanduuku y'Endagaano ya Musengwa Katonda, n'ebintu ebindi byonabyona ebitukuvu eby'okukozesa, bibenga mu isinzizo lyemuja okuzimba okumugheesa ekitiisa.”

2 Ebyomubyanda 31:21

Ebintu byamujiiranga bukalamu, kuba buli mulimo ogw'okusinza Katonda we mu isinzizo yagukolanga na mwoyo mulala, ng'ajiira ku mateeka n'ebiragiro.

Zabbuli 105:45

ng'ayenda abantu be abo bagonderenga amateeka ge, era bajiirenga ku biragiro bye. Mwenamwena musaake Musengwa Katonda.

Zabbuli 119:10

Nfuba inho okukugheereza n'omwoyo gwange gwonagwona, otandeka kuva ku biragiro byo.

Zabbuli 119:101

Neesamba empisa embi dhoonadhoona, nsobole okukola by'onkoba.

Zabbuli 119:115

Muve ghe ndi imwe abakozi b'ebibi, nze ngeme ebiragiro bya Katonda wange.

Zabbuli 119:146

Nkweghembye mponia abazigu, nsobole okukolanga by'okoba.

Zabbuli 119:17

Wo Musengwa Katonda, ndhughaaku enkabi dho nze omugheereza wo, mbenga mulamu era ngonderenga ebiragiro byo.

Zabbuli 119:22

Balekeze okunvumanga n'okuunhoomereranga, kuba nze neekuumye nga nkola by'okoba.

Zabbuli 119:33

Wo Musengwa Katonda, ndhegeresa okutegeera ebyo by'olagira, ndidha kubijiirangaku ekiseera kyonakyona.

Zabbuli 119:34

Ngalagira ntegeere amateeka go; ndidha kugagonderanga n'omwoyo mulala.

Zabbuli 119:57

Wo Musengwa Katonda, niiwe ekirungi kyonka kye ndi nakyo; nkusuubiza okugemanga ebiragiro byo.

Zabbuli 119:69

Abo abeekuluntaza bandhogeraku eby'obuguya, ate nga nze njiira ku mateeka go n'omwoyo gwange gwonagwona.

Zabbuli 119:88

Olw'okungonza kwo okutakoma, kuuma obulamu bwange, olwo nkolenga by'onkoba.

Zabbuli 25:10

Okugonza kwa Musengwa Katonda okungi n'obwesigwa bwe, byeyolekera mu nsambo y'atwalamu abo abakuuma endagaano ye era ni bagondera ebiragiro bye.

Ensambo 23:26

Mwana wange, tanga omwoyo ku bye nkukoba, era otwale obulamu bwange ng'eky'okuboneraku.

Yeremia 29:13

Muliinoonia nze ghe ndi mwambona, kuba muliinoonia n'omwoyo gwaimwe gwonagwona.

Ezekieli 36:27

Ndibataamu omwoyo ogwange, naabaleetera okujiira ku mateeka gange, nga mukola bye mbalagira.

Yoanne 14:23

Yesu yaamwiramu ati: “Oyo angonza agema ekibono kyange, oyo Lata wange alimugonza era Lata, ninze tulija y'ali twasiisira eyo.

Amateeka Agokubiri 4:29

Aye nga muli eyo, mwidha kusabanga Musengwa Katonda waimwe. Era bwe munaamusabanga n'omutima gwaimwe gwonagwona era n'omwoyo gwaimwe gwonagwona, aidhanga kubawulira.

Amateeka Agokubiri 6:17

Mwegenderezenga okukuuma ebiragiro n'amateeka n'okulamba, Musengwa Katonda waimwe bye yabagha.

Amateeka Agokubiri 6:5

Mugonzenga Musengwa Katonda, oyo Katonda waimwe, n'omutima gwaimwe gwonagwona, n'amaani gaimwe goonagoona.

1 Yoanne 3:20

Buli emyoyo gyaife lwe gitulumiriza, tumanha nga Katonda n'asinga emyoyo gyaife era ng'aidhi buli kintu.