Zabbuli 119:10 - Baibuli Ekibono kya Katonda 2014

¹⁰ Nfuba inho okukugheereza n'omwoyo gwange gwonagwona, otandeka kuva ku biragiro byo.

Zabbuli 119:10 Iomraidhean Croise

2 Ebyomubyanda 15:15

Abantu boonaboona ab'omu Buyudaaya baasangaalira okulayira okwo, kuba baalayira n'omutima gwaibwe gwonagwona. Era kuba baanoonia Musengwa Katonda n'omwoyo gwaibwe gwonagwona baamuzuula, yaabagha emiraala ku ndhuyi dhaibwe dhoonadhoona.

Zabbuli 119:118

Iwe okyagha abo boonaboona abadaaliima ni bava ku biragiro byo, olugezigezi lwaibwe lwonalwona muzira makulu.

Zabbuli 119:133

Gumya ebigere byange ku itaka ndobe kugwa nga bwe wasuubiza; otaganha kibi kyonakyona kumpangula.

Zabbuli 119:176

Nadaaliima ng'oti n'entaama eyabula, nkusaba onnoonie ye ndi kuba tyerabiranga biragiro byo.

Zabbuli 119:2

Ba nkabi abo abakola kiisi Musengwa Katonda ky'abakoba, ni bajiira ku by'abagalagira n'omwoyo gwonagwona

Zabbuli 119:21

Ovumirira abo abeekuluntaza, abalaame abo, abava ku biragiro byo.

Zabbuli 119:34

Ngalagira ntegeere amateeka go; ndidha kugagonderanga n'omwoyo mulala.

Zabbuli 119:58

Nkweghembye n'omwoyo gwange gwonagwona, ongemerwe ekivunika nga bwe wansuubiza.

Zabbuli 119:69

Abo abeekuluntaza bandhogeraku eby'obuguya, ate nga nze njiira ku mateeka go n'omwoyo gwange gwonagwona.

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Zabbuli 23:3

Omwoyo gwange agwizaamu amaani, yambisa mu ngira edh'obutuufu, nga bwe yasuubiza.

Zabbuli 78:37

Baali nga tibasobola kugumira ku Katonda, era nga tibatuukiriza ebyo ebiri mu ndagaano ye.

Ensambo 2:13

abalekerera okukola ebituufu, ni baira ku kukola ebibi.

Ensambo 21:16

Omuntu adaaliima n'awaamu amagezi, alyeyagaana ng'ali mu bafu.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Yeremia 3:10

Era ng'ebyo byonabyona bimaze okubaagho, Abayudaaya abo abataali beesigwa era baganda ba Abaisiraeli, baaloba okukyuka okwira ye ndi n'omwoyo gwaibwe gwonagwona. Aye beefuula bwefuule okuba ng'abakyuse. Nze Musengwa Katonda, ninze nkobye.”

Ezekieli 34:6

Entaama dhange edho dhaaja nga dhitambulatambula eyo dhityo, ku nsozi enene ni ku busozi obutono. Dhaasansaanira mu nsi yoonayoona aghazira adhinonerezaaku oba adhinooniaku.

Hosea 10:2

Bali n'emyoyo emiguyaguya. Kale ni buti bali n'okubonerezebwa olw'ebibi byaibwe. Musengwa Katonda alimenhagho alutaari dhaibwe, era yaazikiriza empango edh'amabaale dhe basinza.

Matayo 6:24

“Ghazira asobola kugheereza basengwa babiri kuba, oba alikyagha mulala yaayenda owundi, oba aligumira ku mulala yaasambaadha owundi. Timusobola kugheereza Katonda ate na bya bufuni.

Ab'e Kolosai 3:22

Abairu mugonderenga basengwa baimwe ab'oku nsi kuno mu buli kintu. Kino mutakikolanga nga bali kubabona, olw'okwenda okubafunaku obwende. Aye mukikolenga mu mwoyo oguziramu buguya era mu kutya Musengwa.

1 Yoanne 2:15

Mutagonzanga nsi oba ebintu by'ensi. Omuntu yeenayeena bw'agonza ensi, tabaamu kugonza kwa Lata.

1 Samueli 7:3

Agho Samueli yaakoba Abaisiraeli boonaboona ati: “Oba nga mwenda okukyuka okwira ku Musengwa Katonda n'omwoyo gwaimwe gwonagwona, mutoolegho emisambwa egy'amaghanga agandi gyonagyona era mutoolegho n'ebifaananie eby'omusambwa omukazi Ashitarothi. Mwegheereyo irala eri Musengwa Katonda, yenka ye mube mugheereze. Aidha kubawonia Abafilisiti.”