Zabbuli 118:24 - Baibuli Ekibono kya Katonda 2014

²⁴ Luno n'olunaku Musengwa Katonda lw'aghanguliireku, ka tusangaale era tusagambe.

Zabbuli 118:24 Iomraidhean Croise

1 Bakyabazinga 8:66

Ku lunaku olwomunaana, kyabazinga yaasiibula abantu okwirayo ewaibwe. Abantu baamusabira enkabi, bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi omugheereza we, n'abantu be Abaisiraeli.

Nehemia 8:10

Buti mwireyo ewaimwe, mulye ebisavu, munhwe omwenge ogw'emizabbibu oguwooma einho, era mugabireku n'abo abazira ghe batoola kuba olunaku lwa Musengwa Katonda waife luno lutukuvu. Agho ni mutanakughala, kuba eisanhu Musengwa Katonda ly'abagha imwe, n'eribaleetera okuba ab'amaani.”

Zabbuli 84:10

Okumala olunaku olulala mu isinzizo lyo, kusinga okumala enaku olukumi aghantu aghandi woonawoona. Mmala gaba mukuumi ku mulyango gw'endhu ya Katonda wange, ntabaire munda mwa ndhu dha bakozi ba bibi;

Isaia 58:13

Musengwa Katonda akoba ati: “Bwe munaakuumanga Sabbato ni mutagikoleraku byaimwe bye mwenda, aye n'eba olunaku lwange olutukuvu, lwe mutaamu ekitiisa ni mutalutambuliraku ngendo, waire okulukoleraku emirimo, oba okulwogereraku ebitasaana,

Zekaria 3:9

Bona, nja kuta mu maiso ga Yoshua eibaale nga liriku endhuyi musanvu, nditoneku n'ekighandiiko. Era nditoolagho ekibi eky'ensi eno mu lunaku lulala luti lwonka.

Ebikolwa by'Abatume 20:7

Agho olunaku olusooka mu Sabbato, bwe twali nga twesoloiza okumegulamu omugaati, Paulo yaayogera n'abantu era yaalwagho ng'akaayogera okutuusa mu bwire ghagati; kuba yali ng'asuubira okuja ku lunaku olwiririra.

Okwolekebwa 1:10

Ku lunaku lwa Musengwa, Mwoyo yandidhaku, naawulira e mugongo wange amamiro ag'amaani nga gali ng'oti ndeka.