Zabbuli 118:15 - Baibuli Ekibono kya Katonda 2014

¹⁵ Wulira emizira egy'obughanguzi egiri kuva mu weema edh'abantu ba Katonda! Bali kwemba bati: “Omukono gwa Musengwa Katonda gukoze eby'amaani!

Zabbuli 118:15 Iomraidhean Croise

Zabbuli 111:2

Ebintu Musengwa Katonda by'akola bikologho ate bikulu, abo boonaboona ababyenda babyetegereza.

Zabbuli 119:111

By'okoba mbitwala ng'omugabo ogwange ku bwange ebyanda n'ebyanda; bwenebwene mu ebyo n'omuva okusangaala okw'omwoyo gwange.

Zabbuli 119:54

Ebiragiro byo n'ebimpa amaani, nga ndi ku nsi kuno ng'omugeni omugenze.

Zabbuli 32:11

Imwe abatuufu musangaale era musagambe olw'ebyo Musengwa Katonda by'akola. Imwe abagondera ebiragiro bye, mukube emizira.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Zabbuli 45:4

Iwe kyabazinga, ja mu lutalo obe mughanguzi ng'olwanirira amazima n'obutuufu. Amaani go ka gakole ebyewuunhisa!

Zabbuli 5:12

kuba abagondera ebiragiro byo iwe Musengwa Katonda, obagha enkabi, era okugonza kwo kubawonia ebizibu ng'oti n'engabo.

Zabbuli 60:12

Kasita Katonda n'aba ku luuyi olwaife twidha kuba ba maani; kuba oyo n'aja okutyankirira abazigu baife boonaboona.

Zabbuli 68:3

Aye abatuufu ka basangaale, basagambire mu maiso ga Katonda; ka basanhuke nga bakuba emizira.

Zabbuli 89:13

Oli wa buyinza bungi, oli wa maani inho atatuukikaku.

Zabbuli 98:1

Mwenamwena mwembere Musengwa Katonda olwembo oluyaaka, kuba akoze ebyewuunhisa! Olw'obutukuvu bwe ayoleike ng'ali n'obuyinza n'amaani, ebimuleeteire obughanguzi.

Okuvaayo 15:6

Wo Musengwa Katonda, omukono gwo omusaadha gukola eby'amaani ebitaloodheka; gutentena omuzigu gwamukutulakutula.

Isaia 65:13

Kale ni, nze Musengwa Katonda nkoba nti, abo abansinza balirya era baanhwa, aye imwe endhala eribaluma n'endiwo yaabagema. Beene balisagamba, aye imwe muliswazibwa.

Luka 1:51

Akoze eby'amaani n'omukono gwe, abeekuza mu birowoozo byaibwe yabasansaania.

Ebikolwa by'Abatume 16:34

Agho yaatwala Paulo ni Sila mu ndhu ye, yaabagha eby'okulya. Yaasangaala ghalala n'ab'omu ndhu ye boonaboona, olw'okuba baikiriza Katonda.

Amateeka Agokubiri 12:12

Mwidha kusagambiranga eyo mu maiso ga Musengwa Katonda waimwe, nga muli ghalala ni batabane baimwe, n'abairu baimwe abasaadha n'abakazi, n'Abalevi abali mu bibuga byaimwe kuba, Abalevi abo tibaja kufuna mugabo gwa itaka lya nsikirano, gwaibwe ku bwaibwe.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”