Zabbuli 114:4 - Baibuli Ekibono kya Katonda 2014

⁴ Ensozi enene dheezinduka, dhaatuumaga ng'oti ntaama nume; obusozi obutono bwona bwezinduka, bwatuumatuuma ng'oti ntaama nto.

Zabbuli 114:4 Iomraidhean Croise

Zabbuli 18:7

Olwo ensi yaayuuga yeesunda, emisingi egy'ensozi gyatengeeta era gyadhugumira; kuba agho Musengwa Katonda yali asungughaire.

Zabbuli 29:6

Atuumya ensozi edh'omu Lebanoni ng'oti nte nto, era yaatuumya Sirioni ng'oti n'embogo enume entototo.

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Zabbuli 68:16

Lwaki iwe olusozi oluli n'emitwe kamaala emigulumivu, olingirira n'ensaalwa olusozi Katonda lwe yeeroboza okubangaku? Bwenebwene Musengwa Katonda aja kubanga ku lusozi olwo ebyanda n'ebyanda.

Okuvaayo 19:18

Olusozi Sinai lwaidhula omwosi, kuba Musengwa Katonda yalwikaku ng'ali mu muliro. Era omwosi ogwaluvangaku okuja ghaigulu nga guli ng'oti n'oguva mu kifo aghookerwa ebiwumbe olusozi lwonalwona lwatengeeta bubi inho.

Okuvaayo 20:18

Abantu boonaboona bwe baawulira okutyabuka okw'olukuba n'okuvuga okw'endeka, ni babona n'okumyansa okw'olukuba, n'olusozi nga luli kunioka omwosi, baatya inho baadhugumira era baayemerera ere ghalaku.

Nahumu 1:5

Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

Habakkuku 3:6

Bw'ayemerera ensi etengeeta; bw'alinga ku amaghanga ati, gadhugumira. Ensozi edh'emyaka n'emyaka dhimenhekamenheka dhaawaagho; obusozi obw'olubeerera budimira mu itaka bwabuliramu. Edho n'ensozi dhe yatambuliraku ebiseera eby'eira.

Habakkuku 3:8

Wo Musengwa Katonda, wasungughalira miiga? Oba, ekiruyi kyakugema lwa nhandha? Ekyo n'ekyakuleetera okuvuga ebire ng'oti mbalaasi, era ng'oti n'avuga ekigaali eky'omu lutalo n'obughanguzi?

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.