Zabbuli 114:2 - Baibuli Ekibono kya Katonda 2014

² olwo Abayudaaya lwe baafuuka abantu ba Musengwa Katonda abatukuvu, Abaisiraeli lwe baafuuka abantu be, be yeerondera.

Zabbuli 114:2 Iomraidhean Croise

Okuvaayo 15:17

Obaleeta waabata ku lusozi lwo, ekifo Iwe Musengwa Katonda kye weerondera nga mw'onaabanga, eisinzizo iwe mwene lye wataagho.

Okuvaayo 25:8

Era koba abantu bankolere eisinzizo memale olwo mbabengamu.

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Abalevi 11:45

Ninze Musengwa Katonda eyabatoola mu Misiri, mbenga Katonda waimwe. Kale ni mubenga batukuvu, kuba nze ndi mutukuvu.”

Amateeka Agokubiri 23:14

Mukuumenga ekifo ghe munaasimbanga weema dhaimwe nga kirongoofu. Kuba Musengwa Katonda waimwe aidha kubanga ghalala n'imwe mu kifo ekyo ng'abakuuma, olwo abasobozesenga okughangula abazigu baimwe. Mweghalenga ekintu ekibi kyonakyona, ekighanga okumusungughaza n'abavaaku n'abalekulira agho.”

Amateeka Agokubiri 27:12

“Bwe mulimala okusomoka omwiga Yorudani, ab'ebika bino n'abalyemerera ku lusozi Gerizimu okusabira abantu enkabi: ekika ekya Simeoni, n'ekya Levi, n'ekya Yuda, n'ekya Issakari, n'ekya Yosefu, n'ekya Benjamini.

Amateeka Agokubiri 27:9

Agho Musa ng'ali ni bakabona Abalevi, yaakoba Abaisiraeli boonaboona ati: “Musirike muwulire, imwe Abaisiraeli. Olwaleero mufuuse ighanga lya Musengwa Katonda waimwe.

Amateeka Agokubiri 7:6

Kuba muli ighanga lya Musengwa Katonda waimwe. Yabalondamu okuba eighanga lye erirye ku bubwe mu maghanga goonagoona agali ku nsi.

Okwolekebwa 21:3

Naawulira amamiro ag'amaani nga gava gha kityamo eky'obwakyabazinga, nga gakoba gati: “Bona, mperaano ekifo Katonda mw'aba kiri mu bantu. Katonda anaabanga nabo, nga ni Katonda waibwe, era nga beene bantu be.