Zabbuli 113:6 - Baibuli Ekibono kya Katonda 2014

⁶ n'alinga ghansi ku biri mu igulu ni ku nsi?

Zabbuli 113:6 Iomraidhean Croise

Yobu 15:15

Ate oba Katonda tiyeesiga waire bamalaika be! Era nga n'eigulu ti irongoofu mu maiso ge!

Yobu 28:24

Kuba n'atuusa amaiso mu buli kankondo ka nsi, n'abona buli kantu akali ghansi gh'eigulu.

Yobu 4:18

Oba nga Katonda tiyeesiga waire abo abamugheereza mu igulu, era ni bamalaika be boona abanenia olw'ensobi dhaibwe,

Zabbuli 11:4

Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

Zabbuli 138:6

Waire nga iwe oli ghaigulu inho, ofaayo inho ku abo abawombeefu. Aye abo abeetwala okuba aba ghaigulu obategeera mangu.

Zabbuli 33:14

Ng'ali ku kityamo kye eky'obwakyabazinga, alingirira abantu boonaboona ababa ku nsi.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 6:2

Ghaigulu gha kyabazinga oyo, ghaali nga gheemereiregho ebitonde ebyetebwa serafimu, nga buli kirala kiri n'amaghagha mukaaga: abiri nga kigeeghembye mu maiso, abiri agandi kyageeghemba ku bigere, ate abiri agasigairegho kyagakozesa okuguluka.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”