Zabbuli 113:5 - Baibuli Ekibono kya Katonda 2014

⁵ Naani ali ng'oti ni Musengwa Katonda waife, oyo aba eyo ghaigulu yeene,

Zabbuli 113:5 Iomraidhean Croise

Zabbuli 103:19

Musengwa Katonda yata ekityamo kye eky'obwakyabazinga mu igulu, yaakigumya, era ni kyabazinga afuga ebintu byonabyona.

Zabbuli 11:4

Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

Zabbuli 35:10

Ndisaaka Musengwa Katonda n'amaani gange goonagoona, nti: “Wo Musengwa Katonda, naani ali ng'oti niiwe? Iwe atoola omunafu n'omuwonia ow'amaani amuswikirira, era atoola omwavu n'omuwonia amunhagaku ebibye?”

Zabbuli 89:6

kuba bwene naani ku bali ghaigulu eyo ayaga ni Musengwa Katonda? Oba naani ku bali mu igulu ali ng'oti ni Musengwa Katonda?

Zabbuli 89:7

Niiwe Katonda atiibwa abatukuvu boonaboona abatyama mu igulu; era omukologho atiisa ebyo byonabyona ebimwezungulwire.

Zabbuli 89:8

Wo Musengwa Katonda Afuga Amagye, naani ow'amaani ng'oti niiwe? Oli mwesigwa mu buli kintu.

Zabbuli 89:9

Niiwe ofuga okwefuukuula okw'enhandha, era bwe yeefuukuula ogiragira yaalaala.

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Isaia 16:5

Olwo omuntu ow'oku lulyo lwa Daudi, alityama ku kityamo eky'obwakyabazinga, yaafuga abantu n'ekisa ng'abagonza obutalekera era nga tasaliriza. Aliba mwangu mu kukola ebituufu ng'akolera ku mazima.”

Isaia 40:18

Kale olwo Katonda tunaamugeza ku ani, oba kiki kye tunaamufaanania?

Isaia 40:25

Kale olwo Katonda oyo Omutukuvu tunaamugeza ku ani? Ghaligho omuntu ye tunaamufaanania?

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Yeremia 10:6

Wo Musengwa Katonda, ghazira ali ng'oti niiwe. Oli mukologho, n'eriina lyo lyona ikologho era lya maani.

Amateeka Agokubiri 33:26

Imwe Abaisiraeli, ezira katonda ali ng'oti ni Katonda waife, aseeyeeya ku igulu mu bire ng'ali mu kitiisa eky'obwakyabazinga, n'aidha okubabeera.