Zabbuli 112:9 - Baibuli Ekibono kya Katonda 2014

⁹ Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Zabbuli 112:9 Iomraidhean Croise

Zabbuli 111:3

Ebyo by'akola biidhwire ekitiisa n'obufuzi, era mutuufu ebyanda n'ebyanda.

Zabbuli 112:3

Ab'omu maka ge baba bafuni nga bakombe, era wa kusiimibwanga Katonda ebyanda n'ebyanda.

Zabbuli 75:10

Amaani ag'ababi goonagoona aligazikiriza, ate amaani ag'abatuufu aligongeraku obungi.

Zabbuli 92:10

Aye nze ompaire amaani ng'oti ga mbogo nume, wansiiga omuzigo.

Zabbuli 92:11

Mboine n'amaiso gange okugwa okw'abazigu bange, era naawulira n'amatu gange okulira okw'ababi abo abaanumbagana.

Ensambo 14:24

Amagezi galeetera abagezi okuba abakombe, aye abasiru basirughala busirughale.

Ensambo 19:17

Agemerwa omwavu ekivunika aba ng'oti awoze Musengwa Katonda, era Musengwa Katonda oyo aja kumusasula olw'ekikolwa kye ekyo.

Ensambo 21:26

Olunaku lwonalwona omubi yeegomba okubaaku ni ky'afuna, aye omutuufu agaba na mwoyo mulala nga tiyeesuniriza.

Omulangirizi 11:6

Osiganga ensigo dho ku nkyo era n'eigulo otyo aghazira kwisa mukono, kuba toidhiiku dhinaakula bukalamu; ka dhibe dh'osize ku nkyo oba dh'osize eigulo oba dhoonadhoona.

Omulangirizi 3:6

Ekiseera eky'okufuna, n'ekiseera eky'okufiirwa. Ekiseera eky'okukuuma ekintu, n'ekiseera eky'okukisuula ere.

Isaia 32:8

Aye omuntu omwesigwa alowooza ku kukola bwesigwa, era ebituufu byonka by'agumiraku.

Isaia 58:10

ni mugha abali endhala emere, n'abo abadaazibwadaazibwa ni mubagha bye beetaaga, olwo enzikiiza egemye bedimudimu ebeezungulwire imwe, erifuuka ng'oti n'obutangaavu obw'omu kasana ghagati.

Isaia 58:7

Abo abali endhala mubaghenga ku mere yaimwe, n'abaavu abazira maka mubaingizenga mu maka gaimwe. Abo ababita amadu mubaghenga eby'okuvaala, era mutalobanga kuyamba bantu babaliku luganda.

Matayo 6:4

Kityo ni ky'ogabye kyaba kya kyama era Lata wo abona eby'ekyama alikugha empeera.

Mariko 14:7

Abaavu muba nabo buliidho, era mughanga okubakolera obulungi buli lwe mwenze aye nze timwidha kuba ninze buliidho.

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

Luka 12:33

Mutunde ebyaimwe, mugabire abaavu, mwetungire ensawo edhitakairigha mufune n'obukombe obutawaagho mu igulu omwibi y'atatuuka waire ensiiriri okubwonoona.

Luka 16:9

“Era ka mbakobere: Mwefunire emikwano mu bukombe buno obw'ensi, kuba ni bwe buliwaagho, balibasangaalira mu bulamu obw'ebyanda n'ebyanda.

Luka 18:22

Yesu bwe yawulira ekyo yaamukoba ati: “Okaabuzaayo ekintu kirala. Ja otoole by'oli nabyo byonabyona ogabire abaavu, eby'obukombe oliba nabyo mu igulu era oidhe obitenga ninze.”

Yoanne 13:29

Abandi baali badhuuba bati engeri Yuda ye yali omugemi w'endyanga, Yesu yali ali kumukoba kuja kugula bye beetaaga ku kibinuko, oba kubaaku ni ky'agha abaavu.

Ebikolwa by'Abatume 20:35

Nabooleka mu ebyo byonabyona bye nakola nti tuteekwa okufaabiikana okuyamba abanafu nga twidhukira ebibono bya Musengwa Yesu eyakoba ati, ‘Okugaba kwesiimisa okusinga okugheebwa.’ ”

Ebikolwa by'Abatume 4:35

baabigemya Abatume, buli mulala baamugabira nga bajiira ku bwetaavu bwe yabanga nabwo.

Ab'e Roma 12:13

Mutoolenga ku byaimwe mughenga abantu ba Katonda. Musangaalirenga abageni.

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.

Amateeka Agokubiri 15:11

Buliidho ghaidha kubanga nga ghaligho Abaisiraeli abaavu n'abali mu bwetaavu mu nsi. Kyenva ni mbalagira nti mutalobanga kubayamba.”

Amateeka Agokubiri 15:14

Oidha kumughanga n'omwoyo omugabi, ng'otoola ku ntaama dho, ni ku mbuzi dho, ni ku mere yo ey'empeke, ni ku mwenge gwo ogw'emizabbibu. Musengwa Katonda wo y'anaakomyanga okukugha ebingi, weena y'onaakomyanga okugha omuntu oyo ebingi.

Amateeka Agokubiri 24:13

Oidha kukimwirizanga eigulo aghange okukisulamu. Olwo akusabire enkabi, era Musengwa Katonda wo akusiime olw'okukola ekituufu.

1 Timotheo 6:18

Bagwaine okukola obulungi, babe bakombe mu bikolwa ebirungi, aby'ekisa era eby'obugabi.

Abaheburayi 13:16

Timwerabiranga kukola bukalamu n'okubeeragana kuba egyo n'emisengo Katonda gy'asiima.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.

Okwolekebwa 22:11

Omwonooni ayongere okwonoona, omudankaanu asigale nga mudankaanu, omutuufu ayongere okuba omutuufu, omutuukirivu ayongere okuba omutuukirivu.

1 Samueli 2:1

Hanna yaasaba ng'akoba ati: “Ndi kusagamba olwa Musengwa Katonda ky'ankoleire, Musengwa Katonda andhiziizaamu amaani. Nsekerera abazigu bange, naasagamba kuba iwe Musengwa Katonda omponiiza.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.