Zabbuli 112:4 - Baibuli Ekibono kya Katonda 2014

⁴ Obutangaavu bwidha mu nzikiiza bwamuliikirira abo abatya Katonda, era bwayakira abo ab'ekivunika, abasaasizi era abatuufu.

Zabbuli 112:4 Iomraidhean Croise

Yobu 11:17

Obulamu bwo bwidha kwakayakana okusinga obutangaavu obw'omu kasana ghagati. Ebizibu eby'omu bulamu bwo biidha kukyuka ng'oti n'enzikiiza bw'efuuka obutangaavu ku nkyo.

Yobu 22:28

Buli ky'onaakolanga kiidha kukujiiranga bukalamu, n'engira y'obitamu eidha kubangamu obutangaavu;

Yobu 29:3

entaala ye yayakiranga agho ku mutwe gwange, okuumulisa mbite mu nzikiiza.

Zabbuli 106:1

Mwenamwena musaake Musengwa Katonda! Musiime Musengwa Katonda kuba mulungi; okugonza kwe tikukoma, kubaagho byanda na byanda.

Zabbuli 116:5

Musengwa Katonda wa kivunika era mulungi. Katonda waife asaasira!

Zabbuli 145:17

Musengwa Katonda akola byonabyona mu butuufu era wa kivunika mu by'akola.

Zabbuli 37:6

Aidha kwoleka nga bw'oziraku omusango, n'obutuufu bwo bumesunkane ng'endhuba ey'omu kasana ghagati.

Zabbuli 97:11

Obutangaavu bwakira abatuufu, n'eisanhu lyaidhira abo abagondera ebiragiro bya Katonda.

Ensambo 21:21

Omuntu afuba einho okuba omutuufu era ow'ekivunika, aghangaala era yaaba wa kitiibwa.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Isaia 58:10

ni mugha abali endhala emere, n'abo abadaazibwadaazibwa ni mubagha bye beetaaga, olwo enzikiiza egemye bedimudimu ebeezungulwire imwe, erifuuka ng'oti n'obutangaavu obw'omu kasana ghagati.

Isaia 58:8

“Olwo mulimesunkana ng'oti n'endhuba eri kuvaayo, era mwawonezebwa mangu. Ebikolwa byaimwe ebirungi biribakulemberangamu, n'ekitiisa kyange nze Musengwa Katonda kyabavangaku einhuma nga kibakuuma.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Luka 6:36

Mubenga ba kisa nga Lata waimwe bw'ali ow'ekisa.

Yoanne 12:46

Nze naidha mu nsi ng'ekimuliikirira, kiisi andhikiriza alobe kusigala mu nzikiiza.

Ab'Efeso 4:32

Aye mubenga ba kisa, buli muntu alumirwenga mwine, era musonighaganenga nga Katonda bwe yabasonigha mu Kurisito.

Ab'Efeso 5:15

Kale mwegendereze bwe mwebisa mulobe kuba ng'abazira magezi aye mube ng'abagezi.

Ab'Efeso 5:9

omuva ebirungi byonabyona, obutuufu n'amazima.

1 Yoanne 2:29

Oba nga mwidhi muti oyo mutuufu, era mumanhe muti kiisi akola eby'obutuufu aba mwana we.

1 Yoanne 3:10

Ku kino kw'omanhira abaana ba Katonda n'aba Sitaani. Kiisi atakola bya butuufu oba n'atagonza muganda we oyo aba ti wa Katonda.

1 Yoanne 3:7

Baana bange, ghatabaagho abasubaghanga. Akola eby'obutuufu aba mutuufu oti ni Kurisito mwene bw'ali omutuufu.