Zabbuli 112:3 - Baibuli Ekibono kya Katonda 2014

³ Ab'omu maka ge baba bafuni nga bakombe, era wa kusiimibwanga Katonda ebyanda n'ebyanda.

Zabbuli 112:3 Iomraidhean Croise

Yobu 5:24

Oidha kubanga mugumu ng'oidhi oti mu ndhu yo oli miraala; era oidha kukeberanga mu byayo byo nga muziramu kibuze.

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Zabbuli 111:3

Ebyo by'akola biidhwire ekitiisa n'obufuzi, era mutuufu ebyanda n'ebyanda.

Zabbuli 112:9

Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Zabbuli 34:10

Ni bwedhiba empologoma edh'amaani dhibula emere, aye abo abasaba Musengwa Katonda tibabulwa kintu kirungi.

Zabbuli 34:11

Mwidhe baana bange mumpulirise, ndidha kubeegeresa okutya Musengwa Katonda.

Ensambo 15:6

Mu ndhu edh'abatuufu mubaamu eby'obukombe kamaala, aye ababi bye bafuna tibabifunamu kalungi naire.

Ensambo 21:20

Abagezi baba n'omuzigo n'eby'obukombe ebindi kamaala era n'amasavu, aye abasiru babimalagho bumale byonabyona.

Ensambo 3:16

Amagezi galeetera omuntu okughangaala, gaamuleetera n'okuba omukombe era ow'ekitiisa.

Isaia 32:17

Era olw'abantu okukola ebituufu kirireetera ensi eno okubaamu emiraala, era kyagiviiramu okuba n'obutebenkevu, n'obwesige, ebyanda n'ebyanda.

Isaia 33:6

era yaaleetagho emiraala mu nsi eno. Buliidho akuuma abantu be, yaabagha amagezi n'okumanha. Era okumutya, n'eky'obukombe kyaibwe ekisinga mughendo mu byonabyona.

Isaia 51:8

kuba baliwaagho ng'oti n'ekivaalo ekiriiriibwa ensiriri oba enseete. Aye obulokozi bwange bwe ndeeta bwidha kubangagho byanda na byanda, mbawonienga aghazira kulekera.”

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.