Zabbuli 110:7 - Baibuli Ekibono kya Katonda 2014

⁷ Kyabazinga alinhwa amaadhi ag'omu kaiga akali ku ngira, olwo yaatambula n'obughanguzi nga mugumu.

Zabbuli 110:7 Iomraidhean Croise

Yobu 21:20

Ababi abo ka babone beene nga bwe bazikirizibwa, bawulire obusungu bw'oyo Aghanga Ebintu Byonabyona.

Zabbuli 102:9

Nsiiba mu ivu era n'eryanfuukira emere, ate mu buli kye nhwa mwetabulamu amaziga ge ndira.

Zabbuli 27:6

Olwo mbe nga mpangwire abazigu bange abaneezungulwire; olwo nkube emizira nga mpaayo emisengo mu ndhu ye, era nhembere Musengwa Katonda enhembo edhimusaaka.

Zabbuli 3:3

Ate nga iwe Musengwa Katonda, niiwe engabo mwe neewogoma, niiwe ompeesa ekitiisa, naatambula nga ndi mugumu.

Yeremia 23:15

“Agho ni, nze Musengwa Katonda Afuga Amagye, nkoba abalanzi b'omu Yerusalemu nti: ‘Mubone eno, ndidha kubagha olubiriizi balulye lubakaayire, mbaghe n'amaadhi agalimu eirogo baganhwe; kuba baleeteire abantu boonaboona mu nsi eno obutatya Katonda.’

Yeremia 52:31

Agho kyabazinga Evilimerodaki ow'e Babilonia, yaagemerwa kyabazinga Yehoiakini ow'e Buyudaaya ekivunika mu mwaka gwene Evilimerodaki oyo gwe yafuukiramu kyabazinga. Yaamutoola mu ikomera ku lunaku olwamakumi abiri n'eitaanu (25), mu mwezi ogweikumi n'ebiri, mu mwaka ogwamakumi asatu n'omusanvu (37), okuva Yehoiakini oyo kyabazinga wa Buyudaaya lwe yasibwa.

Matayo 20:22

Yesu yairamu ati: “Kye musaba timukiidhi. Mughanga okunhwa ku kikopo kye nja okunhwa?” Baamukoba bati: “Tughanga.”

Matayo 26:42

Kabiri yaaja omukuzi ogwokubiri yaasaba ng'akoba ati: “Lata, oba nga ekikopo kino tikighanga kuntoolebwaku, okutoolaku nga nkinhweire, kikolebwe nga bw'oyenda.”

Luka 24:26

Tikyali nti bino byali biri n'okutuuka ku Kurisito memale atuuke mu kitiisa kye?”

Yoanne 18:11

Aye Yesu yaakoba Petero ati: “Empiima yo giize mu kiruutu kyayo. Ekikopo Lata ky'ampaire nnaaloba okukinhwa?”

1 Petero 1:11

Baagezaaku okunoonereza okumanha ekiseera okulokoka okwo kye kuliidhiramu, era n'ensambo ye kuliidhamu, nga bajiira ku Mwoyo wa Kurisito eyabalimu, baalanga okudaagadaaga okwali kuli n'okutuuka ku Kurisito, era n'ekitiisa ekyali kiri n'okukuvaamu.

Abalamuzi 15:19

Agho Musengwa Katonda yaatuna ekituli eyo e Lehi, mwavaamu amaadhi. Samusoni bwe yamala okunhwa, yairamu obulamu n'amaani. Ensulo eyo baagituuma eriina Enihakkore. Era ekaaliyo e Lehi n'okutuusa mpegaano.