Zabbuli 110:5 - Baibuli Ekibono kya Katonda 2014

⁵ Iwe kyabazinga, Musengwa Katonda ali agho ku mukono gwo omusaadha, aidha kufafaagania bakyabazinga abandi, ku lunaku olw'ekiruyi kye.

Zabbuli 110:5 Iomraidhean Croise

Zabbuli 109:20

Wo Musengwa Katonda, otyo bw'obe obonereze abazigu bange abo abandhogeraku obubi.

Zabbuli 110:1

Musengwa Katonda yakoba musengwa wange ati: “Tyama ghano ku luuyi lw'omukono gwange omusaadha, okutuusa lwe ndita abazigu bo ghansi gh'ebigere byo.”

Zabbuli 16:8

Buli kaakyeire ndidhi nga Musengwa Katonda andi kumpi era ghazira kisobola kuntengeesa, kuba andi ghano gheene gha mukono gwange omusaadha.

Zabbuli 68:14

Katonda Aghanga Ebintu Byonabyona bwe yasansaaniza bakyabazinga eyo, omugozi gwagwa ku lusozi Zalumoni.

Zabbuli 68:30

Kaabukira ensolo edho edh'omu nsiko edhisula mu bigada; okaabukire abantu abo abaayira enume n'obuyana aghalala, era obatyankirire okutuusa lwe banaakuba amakiryaivu ni bakutonera feeza. Sansaania abantu abo abenda einho okutanula entalo.

Habakkuku 3:12

Watambula mu nsi ng'oliku ekiruyi, era waatyankirira amaghanga mu busungu obungi.

Mariko 16:19

Musengwa Yesu bwe yamala okwogera nabo, yaatwalibwa mu igulu, y'atyaime ku mukono omusaadha ogwa Katonda.

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

Okwolekebwa 11:18

Abantu abataikiriza baidhula inho, aye obusungu obubwo bwaidha, ekiseera kyatuuka eky'okusalira abafu omusango, n'eky'okugheeramu empeera abagheereza bo abalanzi, n'abatuukirivu, n'abantu bo boonaboona abakutya, abakulu n'abato; era ekiseera eky'okuzikiririzaamu abo abazikiriza ensi.”