Zabbuli 110:3 - Baibuli Ekibono kya Katonda 2014

³ Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Zabbuli 110:3 Iomraidhean Croise

1 Ebyomubyanda 16:29

Mughe eriina lya Musengwa Katonda ekitiisa ekirigwaniire; mwidhe mu maiso ge era mumuleetere ebigheebwayo. Musinze Musengwa Katonda mu butukuvu bwe,

Nehemia 11:2

Era abantu nga basanhukira inho omuntu asalagho ku lulwe okuja okubanga mu Yerusalemu.

Zabbuli 29:2

Mwatule muti eriina lya Musengwa Katonda liri n'ekitiisa, musinze Musengwa Katonda ng'aboneike mu butukuvu bwe.

Zabbuli 96:9

Musinze Musengwa Katonda ng'aboneike mu butukuvu bwe; imwe mwenamwena ab'oku nsi mumutye mu maiso ge.

Ezekieli 43:12

Lino n'eiteeka ery'eisinzizo: Ekifo kyonakyona ekyezungulwire eisinzizo agho ku ngulu kw'olusozi, kifo kitukuvu inho. Eryo n'eiteeka ly'eisinzizo.”

Mika 5:6

Abo, nga bakozesa eby'okulwanisa byaibwe, baja kughangula ekiketezo ekyo Assiria, ensi ya Nimurodi, batuwonie Abassiria bwe baliba batabaire nsi yaife.

Ebikolwa by'Abatume 1:8

Aye mulifuna amaani Mwoyo Mutukuvu lw'alibaidhaku, mwaba badhulizi bange mu Yerusalemu, ni mu Buyudaaya mwonamwona, ni mu Samaria, n'okutuusa ensi y'ekoma.”

Ebikolwa by'Abatume 19:20

Kale ekibono kya Musengwa kyeyongera okubuna n'okusimba emizi.

Ebikolwa by'Abatume 2:33

Mperaano, bwe yamala okuniinisibwa ku mukono omusaadha ogwa Katonda, era n'okufuna Mwoyo Mutukuvu, eyamusuubizibwa Katonda Lata, n'okutugha ekirabo kino kye muli kubona era kye muli kuwulira.

Ebikolwa by'Abatume 2:41

Abo abaasangaalira ebibono bye, baabatizibwa, era ku lunaku olwo, ku baikiriza kweyongeraku abantu ng'enkumi isatu.

Ebikolwa by'Abatume 21:20

Bwe baakiwulira, baasaaka Katonda era baakoba Paulo bati: “Owoluganda, obona nga bwe ghaligho Abayudaaya enkumi n'enkumi abafuuse abaikiriza era nga boonaboona beekalangulira ku Mateeka.

Ebikolwa by'Abatume 4:4

Aye abantu kamaala ku baawulira ebibono ebyayegeresebwa baikiriza. Omughendo ogw'abasaadha gwali ng'enkumi itaanu (5,000).

2 Ab'e Korintho 13:4

Kuba waire yakomererwa ku musalaba mu bunafu, aye mulamu olw'amaani ga Katonda. Twena nga tuli mu Kurisito tuli banafu, aye nga tukolagana n'imwe, twidha kuba naye mu maani ga Katonda.

2 Ab'e Korintho 8:12

Kuba omuntu ayenda okugaba, asiimibwa Katonda olw'okugaba ekyo ky'ali nakyo se ti ekyo ky'azira.

2 Ab'e Korintho 8:16

Katonda yeekaza, eyagha Tito omwoyo ogubalumirwa ng'ogwaife.

Ab'Efeso 1:4

Katonda ng'abita mu Kurisito, yali yamala ira okutulonda nga n'ensi ekaali kutondebwa, tube batuukirivu abaziraku musango mu maiso ge.

Ab'e Filippi 2:13

Kuba Katonda n'akolera mu imwe memale mwaganha era mwasobola okukola by'ayenda.

1 Ab'e Thessalonika 4:7

Katonda atweta tube batukuvu aye ti kuba badankaanu.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.

Okwolekebwa 7:9

Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.

Abalamuzi 5:2

Musaake Musengwa Katonda, kuba abakulembeze mu Isiraeli baali bamalirivu okulwana, n'abantu beeghaayo ekyeyendere!

Abalamuzi 5:9

Ndi musangaavu olw'abaduumizi ba Isiraeli, abantu abo abeeghaayo ekyeyendere. Musaake Musengwa Katonda!