Zabbuli 11:6 - Baibuli Ekibono kya Katonda 2014

⁶ Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Zabbuli 11:6 Iomraidhean Croise

Amainhama 19:24

Agho Musengwa Katonda yaagwisa obuganga bwa salufa, ng'oti maadhi, ku Sodoma ni Gomorra, nga buva mu igulu.

Amainhama 43:34

Yosefu yaabagheereza ebimegero okuva ku mere eyali mu maiso ge. Aye ekimegero kye yagha Benjamini kyasingaku ebya bale abandi obunene emikuzi etaanu. Kale baanhwa era baasagambira ghalala ni Yosefu.

Yobu 18:10

Bamuteze omugugha mu itaka gumugemye; bagisiisa olutuula mu ngira ye.

Yobu 18:15

Omuntu aba ng'ayenze n'eyeesulira mu ndhu eyo etakaali yiye, nga bamaze okumansiramu obuganga bwa salufa.

Yobu 20:23

Omubi aliba ng'akaali kulya kwiguta, Katonda yaamumaliraku obusungu obubitirivu, bwamufuukira emere.

Zabbuli 105:32

Yabasindikira mugozi mu kifo ky'amaadhi okugwa, n'olukuba lwamyansa lwamazaaku ensi yaibwe.

Zabbuli 16:5

Musengwa Katonda n'ekirungi kyonka kye ndi nakyo, oyo n'ekikopo ekyantegekerwa okunhwa, era obulamu bwange buli mu ngalo dhe.

Zabbuli 18:13

Musengwa Katonda yaatyabuka oti lukuba mu igulu, oyo Ali Ghaigulu Yeene yaayogera n'amamiro ge, nga gali ng'oti n'omugozi era ng'oti n'omuliro ogw'amanda.

Zabbuli 32:10

Ebizibu ebiidhira ababi biri kamaala, aye Musengwa Katonda agonza abo abamwesiga n'okugonza okutakoma.

Zabbuli 75:8

Katonda agemereire mu ngalo ekikopo eky'omwenge ogw'emizabbibu omuka ogw'obusungu bwe. Aja kugufukira ababi ab'oku nsi boonaboona, bagunhwe gwonagwona okutuuka ni ku iseedha.

Isaia 51:17

Situka, situka iwe Yerusalemu, situkiramu mangu oyemerere! Situka iwe owanhwa ekikopo eky'obusungu bwa Musengwa Katonda obungi, mwene kye yakugha okunhwa, n'okimaliramu irala era ni kikuleetera okutagala.

Isaia 51:22

Musengwa Katonda oyo alwanirira abantu be akoba ati: “Mubone, mbatoire mu ngalo ekikopo eky'obusungu bwange obungi timukairamu kukinhwa kubaleetera kutagala.

Yeremia 13:25

Musengwa Katonda oyo akobye ati ekyo n'ekija okubatuukaku. Ekyo ky'asazeegho okubakola, kuba mwamwerabira, mwesiga bakatonda ab'obuguya.

Ezekieli 13:13

“Musengwa Katonda kyava n'akoba ati: Mu busungu obungi ndisindika empewo ey'amaani, naaleetera n'ekire eky'amaadhi ekinene kyayuyika nga kirimu n'amabaale ag'omugozi amakologho, byasaaniagho ekimante ekyo.

Ezekieli 38:22

Ndimubonereza n'endwaire ya kawumpuli n'okutemulagana. Era mwene, n'eigye lye, n'abalwani abava mu maghanga agandi kamaala abaliba aghalala naye, ndibasindikira amaadhi ag'omwidhuzo, ni kiwunga alimu amabaale g'omugozi, n'omuliro, n'obunhota bwa salufa.

Habakkuku 2:16

N'imwe mwena mu kifo eky'okugheebwa ekitiisa mwidha kuswazibwa. Mwidha kunhwa mutamiire era mutagale. Musengwa Katonda aidha kubanhwesa ekikopo kyaimwe eky'okubonerezebwa, olwo mu kifo eky'okugheebwa ekitiisa muswale bwa buswale.

Luka 17:29

aye ku lunaku Loti lwe yafuluma mu Sodoma, omuliro n'obunhota byamagalika okuva mu igulu byabazikiriza boonaboona.

Yoanne 18:11

Aye Yesu yaakoba Petero ati: “Empiima yo giize mu kiruutu kyayo. Ekikopo Lata ky'ampaire nnaaloba okukinhwa?”

1 Samueli 1:4

Ku lunaku Elukana lwe yagheerangayo omusengo, yatoolanga ku mamba y'omusengo ogwo yaaghaaku Pennina omugabo, era yaagha buli mwana owa Pennina oyo omugabo, k'abe omughala oba omulenzi.

1 Samueli 9:23

Samueli yaakoba omufumbi ati: “Leeta emamba ye nakughaire, era ye nakukobye nti gitereke.”