Zabbuli 11:4 - Baibuli Ekibono kya Katonda 2014

⁴ Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

Zabbuli 11:4 Iomraidhean Croise

1 Ebyomubyanda 17:5

Tibangaku mu ndhu okuviira irala ku lunaku lwe natoola Abaisiraeli e Misiri okutuusa ni ye buli eno. Buli ghe mbairenga nja, nga mba mu weema.

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

Yobu 24:23

Aja yaabagha emiraala baatoolera okwesigula, aye yaasigala ng'abasimbyeku amaiso.

Zabbuli 103:19

Musengwa Katonda yata ekityamo kye eky'obwakyabazinga mu igulu, yaakigumya, era ni kyabazinga afuga ebintu byonabyona.

Zabbuli 113:5

Naani ali ng'oti ni Musengwa Katonda waife, oyo aba eyo ghaigulu yeene,

Zabbuli 139:23

Wo Katonda wange, neekalirisa otegeere omwoyo gwange, era ondebe omanhe ebidhuubo byange.

Zabbuli 14:2

Musengwa Katonda aba mu igulu yaalingirira ghansi, okubona oba nga eriyo omuntu alimu amagezi, asinza Katonda.

Zabbuli 18:6

Bwenali ndi mu buzibu nasaba Musengwa Katonda, naalirira Katonda wange ambeere; yawulira amamiro gange ng'ali mu isinzizo, era okulira kwange kwamutuuka mu kutu.

Zabbuli 2:4

Musengwa Katonda ali ku kityamo kye eky'obwakyabazinga mu igulu, abasekerera era anhooma entegeka dhaibwe edh'ekidoofu.

Zabbuli 33:13

Musengwa Katonda aba mu igulu yaalinga ghansi, yaabona abantu boonaboona.

Zabbuli 44:21

Katonda waife oyo yandirobye okumanha, ate nga aidhi n'ebyama ebiri mu myoyo gyaife?

Zabbuli 66:7

Olw'amaani ge afuga ebyanda n'ebyanda; era yaalingirira amaghanga n'amaiso ge ekiseera kyonakyona, abadheemu balobe kumudheemera.

Zabbuli 9:11

Mwembe enhembo edhisaaka Musengwa Katonda atyama mu Sioni; mukobere abamaghanga goonagoona ebyo by'akola.

Ensambo 15:3

Eriiso lya Musengwa Katonda ghazira ghe litabona, alingirira abalungi n'ababi.

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Yeremia 23:24

Ghazira muntu asobola kwegisa ghe ntasobola kumubona. Timwidhi nga ndi buli ghantu, mu igulu ni mu nsi?

Mika 1:2

Abantu mwenamwena ab'amaghanga muwulirise; imwe mwenamwena ababa ku nsi mutege kutu. Muwulire! Musengwa Katonda aja kwogerera mu isinzizo lye ery'omu igulu. Aja kubaghaaku obudhulizi obunaabalumiriza.

Habakkuku 2:20

Aye Musengwa Katonda ali mu isinzizo lye eitukuvu ensi dhoonadhoona ka dhisirike mu maiso ge.

Zekaria 2:13

Abantu mwenamwena musiriikirire mu maiso ga Musengwa Katonda, kuba asitwike alikwidha ng'aviira mu kifo kye ekitukuvu mw'aba.

Matayo 23:21

Era n'oyo alayira mu isinzizo, alayira mu isinzizo ni mu Katonda oyo aba mu isinzizo eryo.

Matayo 5:34

Aye nze mbakoba nti: Mutalayiranga naire, waire okulayira eigulu, kuba n'ekityamo kya Katonda;

Ebikolwa by'Abatume 7:49

‘Eigulu n'ekityamo kyange, ate n'ensi, okwo kwe nta ebigere byange. Kale mulinzimbira ndhu nabaki? Oba kifo ki mwe ndiwuumulira?

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.

Abaheburayi 4:13

Ghazira kitonde kisobola kugisibwa mu maiso ge. Ebintu byonabyona mu maiso ge byerule era biboneka. Era y'oyo buli muntu aja kwewozaaku kiisi kye yakola.

Okwolekebwa 4:2

Amangu ago Mwoyo yandidhaku, era naabona ekityamo eky'obwakyabazinga mu igulu nga kiriku akityaimeku.