Zabbuli 11:1 - Baibuli Ekibono kya Katonda 2014

¹ Oba nga Musengwa Katonda ye neesiga, imwe mukana mutya okunkoba muti: “Guluka ng'enhonhi oje mu nsozi,

Zabbuli 11:1 Iomraidhean Croise

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

2 Ebyomubyanda 16:8

Abaethiopia n'Abalibiya tibaali igye inene inho, nga liri n'ebigaali eby'omu lutalo n'abavuzi b'embalaasi kamaala? Aye olw'okuba weesiga Musengwa Katonda, Musengwa Katonda oyo yaakuleetera okubaghangula.

Nehemia 6:11

Aye nze naamwiramu nti: “Omuntu ng'oti ninze nsobola ntya okulumukagho ni neegisa? Era nsobola ntya okuja mu isinzizo olw'okuwonia obulamu bwange? Busa, ekyo tiidha kukikola.”

Zabbuli 16:1

Wo Katonda wange, nkweghembye nkuuma, niiwe ye neesiga.

Zabbuli 25:2

Katonda wange, niiwe ye neesiga, mponia okuswala otaganha bazigu bange kuneeyagaliraku.

Zabbuli 31:14

Aye nze neesiga iwe Musengwa Katonda. Era nkyogera nti: “Niiwe Katonda wange.”

Zabbuli 56:11

era nkwesiga nga nzira kintiisa. Omuntu obuntu katyo aghanga kunkola ki?

Zabbuli 7:1

Wo Musengwa Katonda wange niiwe ye neesiga, mponia abankiriga era obalobere okuntuukaku.

Zabbuli 7:2

Tiikulwa nga bandhuzayuza ng'oti mpologoma, bankwekwebya nga ghazira n'ambeera.

Zabbuli 9:10

Abo abakwidhi, obwesige bwaibwe babuta mu iwe, kuba Musengwa Katonda tiweerabira abo abatakabana okwidha y'oli.

Ensambo 6:5

Omuntu oyo mwewonienga mangu ng'empongo bwe yeewonia mu ngalo edh'omuyiizi, oba ng'enhonhi bwe yeewonia omutego ogw'omutezi.

Yeremia 48:14

Imwe ab'e Moabu, lwaki mweyeta ab'amaani era ni mweyeta abalwani abaziramu ntete?

Luka 13:31

Mu saawa yeene eyo ghaabaagho Abafarisaayo abaidha baamukoba bati: “Va ghano oje, kuba Herode ayenda kukwita.”

1 Samueli 19:11

Obwire obwo, Saulo yaasindika abakwenda ku ndhu ya Daudi, bamweteege bamwite enkyo ku nkyo. Aye Mikali muka Daudi oyo yaamulabula ati: “Bw'otaalumuke bwire buno kuwonia bulamu bwo, enkyo baidha kukwita.”

1 Samueli 20:38

Agho Yonathani yaamukoba ati: “Yangugha mangu, otalwayo eyo.” Kale omwisuka yaalondalonda obulaso mangu, yaira ye musengwa we.

1 Samueli 22:3

Eyo Daudi yaavaayo, yaaja e Mizipa eky'e Moabu, yaakoba kyabazinga w'e Moabu ati: “Nkweghembye ganha lata wange ni maama baidhe babe ghano n'iwe, okutuusa nga mmaze okumanha Katonda ky'aja okunkolera.”

1 Samueli 23:14

Daudi yaabanga eyo nga yeegisiisa mu kiketezo eky'oku nsozi, mu irungu ery'e Zifu. Era Saulo yaamuyiiganga buli lunaku, aye Katonda yaaloba kumughaayo mu ngalo dhe.

1 Samueli 27:1

Agho Daudi yaakoba mule ati: “Luliba lulala Saulo yandhita. Ekisingaku obulungi, n'okulumukira mu nsi y'Abafilisiti. Olwo Saulo aidha kulekera agho okuunoonia mu Isiraeli, mbe n'emiraala.”