Zabbuli 109:22 - Baibuli Ekibono kya Katonda 2014

²² Nze ndi mughafu era omwavu, ndi n'enaku nnene ku mwoyo.

Zabbuli 109:22 Iomraidhean Croise

2 Bakyabazinga 4:27

Aye bwe yatuuka ku lusozi omuntu wa Katonda ghe yali, yaamugemerera ebigere. Gehazi yaaseeta okumughaluzaagho, aye omuntu wa Katonda yaakoba ati: “Muleke, kuba ali n'enaku nnene ku mwoyo. Ate Musengwa Katonda ekyo akingisiisa yaaloba kunkobera.”

Yobu 6:4

Kuba Katonda Aghanga Ebintu Byonabyona ankubye obusaale bwe bwanhingira mu mubiri, obusagwa bwabwo bwabuna omubiri gwange. Katonda aleese ebitiisa by'ali nabyo, yaabisimbya enhiriri okuntanulaku olutalo.

Zabbuli 102:4

Ndi muniavu ng'oti n'eisubi lye bakubye, era neerabira n'okulya emere.

Zabbuli 109:16

Kuba omuntu oyo tiyaliimu kisa naire, aye yakiriga abanaku n'abaavu n'abawoiremu emyoyo, yaabatuusa ni ku kufa.

Zabbuli 22:6

Aye nze ndi ng'oti lugereegere tikaali muntu, ndi nseko dha balamu era abantu ye banhooma.

Zabbuli 25:16

Wo Musengwa Katonda, otankuba nkoone aye nkusaba ondhune, kuba nsigaire zenka era ndaazibwadaazibwa.

Zabbuli 40:17

Aye nze waire ndi munaku era omwavu, Musengwa Katonda taneerabira. Wo Katonda wange, niiwe ombeera era ontoola mu bizibu, yangughaku ombeere!

Zabbuli 86:1

Wo Musengwa Katonda, ntegera kutu owulire okusaba kwange, kuba ndi muntu mughafu era mwavu.

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

Luka 22:44

Yaawulira enaku mu mwoyo, yaasaba inho, yaagezimula era olugezi lwaba ng'oti matondo ga musaayi n'agali kutoonha ku itaka.]

Yoanne 12:27

“Omwoyo gwange mweraliikirivu. Aye ate nkobe ntya? Nkobe nti: Lata mponia ekiseera kino? Aye ekyandeeta n'ekiseera kino okuntuukaku.

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.