Zabbuli 109:15 - Baibuli Ekibono kya Katonda 2014

¹⁵ Musengwa Katonda agwananga yaidhukira ebibi byaibwe buli kaakyeire, ate beene, abantu baabeerabirira irala ku nsi.

Zabbuli 109:15 Iomraidhean Croise

Yobu 18:17

Balimwerabirira irala ku nsi, ghaabulagho amwidhukira naire.

Zabbuli 109:13

Abaana be n'abaidhukulu bagwananga baawaagho, ghaabula ow'oluse olwidha amwidhukira naire.

Zabbuli 34:16

Aye abo abakola ebibi abakambughalira, bwe bafa abantu ab'oku nsi baabeerabira.

Zabbuli 34:17

Abatuufu bwe basaba okubeerwa, Musengwa Katonda abawulira yaabawonia, era yaatoolagho ebizibu byaibwe byonabyona.

Zabbuli 51:9

Otalingirira bibi byange, era sasaagho okwonoona kwange kwonakwona.

Zabbuli 90:8

Iwe obona ebibi byaife, ni bwebiba ebyo bye tukola mu ngiso.

Isaia 65:15

Abo be nalondamu balikozesanga eriina lyaimwe nga bakolima. Era imwe, nze Musengwa Katonda, ninze mwene ndibaita, aye abo abakola bye nhenda ndibatuuma eriina eiyaaka.

Yeremia 2:22

Ni bwe munaabisa saabbuuni omungi einho, era nsigala nga nkaabona ekimyamya ky'ebibi byaimwe.

Hosea 7:2

Aye baaloba kulowooza naku nga nze tyerabira bikolwa byaibwe byonabyona ebibi. Kale ni mpegaano ebibi byaibwe bibazingiiza, era nze ndi kubibona bukalamu.”

Amosi 8:7

Musengwa Katonda, Katonda wa Isiraeli alayiire ati: “Bwenebwene tija kwerabira waire ekirala ku bikolwa byaimwe ebibi.

Amateeka Agokubiri 32:34

Musengwa Katonda aidhukira abazigu ba Isiraeli abo kye bakoze, era ali kuteega ekiseera ky'ategeike kituuke, memale ababonereze;