Zabbuli 109:13 - Baibuli Ekibono kya Katonda 2014

¹³ Abaana be n'abaidhukulu bagwananga baawaagho, ghaabula ow'oluse olwidha amwidhukira naire.

Zabbuli 109:13 Iomraidhean Croise

1 Bakyabazinga 16:11

Zimuri olwamala okufuuka kyabazinga, nga yaakatyama ati ku kityamo kye eky'obwakyabazinga, yaita ab'endhu ya Baasha boonaboona obutalekaagho naire omwana eyetebwa omulenzi, k'abe owuwe mwene, oba ow'ab'oku lulyo lwe, waire owa bakagwa be.

Yobu 18:17

Balimwerabirira irala ku nsi, ghaabulagho amwidhukira naire.

Yobu 18:19

Ku babe tighalisigalagho mwana waire omwidhukulu. Era ye yabanga teriwonayo muntu naire omulala.

Zabbuli 21:10

Kyabazinga alizikiriza abaana baibwe okubamala ku nsi, era taja kulekera okutuusa nga boonaboona abamazeegho.

Zabbuli 21:11

Waire bategeka okumukola akabi oba okuyiiya ngeri y'okumutegamu, entegeka dhaibwe tidhirituukirira;

Zabbuli 37:28

Kuba Musengwa Katonda ayenda inho ekituufu kikolebwe, era taja kulekulira agho abo abamutya. Taja kuganha kibi kutuuka ku bantu batuufu ebyanda n'ebyanda aye eizaire ly'ababi lija kuwaagho.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Yeremia 22:30

“Omusaadha ono mumughandiike mu kitabo eky'abaziraku baana, abe ng'oti tabangaku na mwana naire. Era abe ng'oti n'omuntu atalifuna kalungi mu bulamu; kuba taja kubaaku na mwana oba mwidhukulu aja kwiramu kufuga Buyudaaya ng'omusika wa Daudi. Nze Musengwa Katonda, ninze nkobye.”

Okubala 27:4

Kale lwaki eriina lya lata waife lisaanagho mu kika kye olw'okubulwa obubulwe omwana omulenzi? Mutughe twena omugabo ogw'eitaka ogwaife ku bwaife mu boluganda lwa lata waife.”

Amateeka Agokubiri 25:19

Agho ni, Musengwa Katonda waimwe bw'alibagha okutyama mu nsi ni mutereera, n'atoolagho abazigu baimwe boonaboona ababeezungulwire mu nsi y'ali kubagha okuba obutaka bwaimwe, mulizikiriza Abamaleki abo mwabasaaniagho, baaloba kwidhukirwanga ku nsi. Muteerabiranga kukola ekyo.”

Amateeka Agokubiri 29:20

Musengwa Katonda enkikidi y'egema ku lw'abantu be, taidha kusonighanga muntu oyo. Aidha kumutumbukizangaku obusungu bwe ng'oti muliro, ebikolimo byonabyona ebighandiikiibwa mu kitabo kino bimwidhirenga, okutuusa Musengwa Katonda lw'anaamusaanizangagho irala, ni yeerabirwa ku nsi.

Amateeka Agokubiri 9:14

Ndeka mbazikirize beerabirirwe irala ku nsi. Ndidha kusimusa mu iwe eighanga eikologho era ery'amaani okusinga beene.’

1 Samueli 3:13

Era nakobera Eli oyo nti nja kubonereza ab'endhu ye ebyanda n'ebyanda, olw'ebibi bye yamanha obukalamu kuba batabane be baavuma Katonda aye yaaloba kubaloberanga.