Zabbuli 108:1 - Baibuli Ekibono kya Katonda 2014

¹ Wo Katonda wange, omwoyo gwange gwonagwona guli ku iwe era ku iwe wenka! Ndidha kwembanga enhembo edhiwooma! Iwe omwoyo gwange zuuka!

Zabbuli 108:1 Iomraidhean Croise

Zabbuli 104:33

Nze ndidha kwemberanga Musengwa Katonda oyo obulamu bwange bwonabwona; nga nkaali mulamu tija kulekera kwemba nhembo dhisaaka Katonda wange oyo.

Zabbuli 138:1

Wo Musengwa Katonda, nsiimye inho n'omwoyo gwange gwonagwona; nze ndidha kukwemberanga enhembo edhikusaaka, nga ni bakatonda ab'amaghanga agandi babona.

Zabbuli 145:21

Nze ndidha kusaakanga Musengwa Katonda, na buli kitonde kisaakenga eriina lye eitukuvu ebyanda n'ebyanda.

Zabbuli 16:9

Kyenva ni nsangaala era ni nsagamba, zeenazeena ni mba mu miraala;

Zabbuli 30:12

Olw'ekyo ndidha kukusaakanga n'omwoyo gwange gwonagwona obutasirika. Wo Musengwa Katonda wange, ndidha kukusiimanga ebyanda n'ebyanda.

Zabbuli 34:1

Ndidha kusiimanga Musengwa Katonda ebiseera byonabyona, tija kulekera kumusaakanga.

Zabbuli 68:1

Wo Katonda, situkiramu osansaanie abazigu bo; abo abatakwenda balumuse embiro okuva mu maiso go.

Zabbuli 71:15

Omusana n'obwire ndidha kukoberanga abantu ebikolwa byo eby'obutuufu, mbakoberenga n'ebyo eby'obulokozi, waire nga tisobola kubitegeera kubimalayo.

Zabbuli 71:8

Nkusaaka omusana n'obwire, era naakobera abantu nga bw'oli ow'ekitiisa.

Okuvaayo 15:1

Musa n'Abaisiraeli abandi baayembera Musengwa Katonda olwembo luno, olukoba luti: “Ka nhembere Musengwa Katonda, kuba aghangwire n'ekitiisa; aswire embalaasi n'abavuzi baadho mu nhandha.