Zabbuli 104:5 - Baibuli Ekibono kya Katonda 2014

⁵ Wataagho ensi ku misingi gyayo, yaaba nga tesobola kuseetuka.

Zabbuli 104:5 Iomraidhean Croise

Yobu 26:7

Abamba eigulu ku luuyi olw'omukono omugooda olw'e buvandhuba, era yaalengeedhia ensi mu ibbanga.

Zabbuli 119:90

Oli mwesigwa eri abantu mu nse dhoonadhoona; wataagho ensi era waagigumya mu kifo kyayo.

Zabbuli 136:6

Oyo n'eyataagho ensi ku maadhi; okugonza kwe tikukoma, kubaagho byanda na byanda.

Zabbuli 24:2

kuba n'eyagikola, yaagizimba ku nhandha eri ghansi ghaayo, era yaakuba emisingi gyayo ghansi gh'entobo y'enhandha.

Zabbuli 33:9

kuba yayogera bwogere ensi yaabaagho, yaalagira bulagire buli kintu kyabaagho.

Zabbuli 93:1

Musengwa Katonda ni Kyabazinga ali n'ekitiisa n'amaani. Ensi kyeva n'eba engumu mu kifo kyayo, ni ghabula ekisobola okugiseseetula.

Zabbuli 96:10

Mukobere amaghanga goonagoona muti: “Musengwa Katonda ni Kyabazinga! Ensi kyeva n'eba engumu mu kifo kyayo, ni ghabula ekisobola okugiseseetula. Aja kusalira abantu omusango nga tasaliriza.”

Ensambo 8:29

Nali naye lwe yataagho ensalosalo enhandha kw'enaakomanga, amaadhi galobe kuswikangagho. Era nali naye lwe yataagho emisingi egy'ensi.

Omulangirizi 1:4

Oluse luno luvaagho, oluse olundi lwairagho, aye ensi esigalagho byanda na byanda.

2 Petero 3:10

Aye olunaku lwa Musengwa luliidha ng'oti mwibi, era olwo eigulu liriwaagho nga liduma inho. Eby'oku igulu birisaanuuka n'omuliro, era ensi n'ebigiriku byonabyona biriya omuliro byasiriira.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.

Okwolekebwa 6:14

Eigulu lyazingibwaku ng'enzingo ey'ekitabo bwezingibwaku, lyavaagho kiisi lusozi na kiisi kizinga byatoolebwa mu bifo byabyo.

1 Samueli 2:8

Abbeeda abaavu yaabatoola mu nkungu, yaasitula abali mu bwetaavu yaabatoola mu ivu, yaabatyamya ghalala n'abakungu, yaabata mu bifo eby'ebitiibwa; kuba empango edh'ensi dha Musengwa Katonda, era ku mpango edho kwe yata ensi.