Zabbuli 102:9 - Baibuli Ekibono kya Katonda 2014

⁹ Nsiiba mu ivu era n'eryanfuukira emere, ate mu buli kye nhwa mwetabulamu amaziga ge ndira.

Zabbuli 102:9 Iomraidhean Croise

Yobu 3:24

Nze okulira n'okwafuuka emere yange, era okuwowoola okwange tikukoma.

Zabbuli 42:11

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka, oyo ni Katonda wange era n'ambeera.”

Zabbuli 42:3

Omusana n'obwire, okulira amaziga n'okwafuuka emere yange, eno abantu nga tibalekera kundheeyereza bati: “Katonda wo ali gha?”

Zabbuli 69:21

Endhala bwe yaanuma, mu kifo eky'okumpa emere enkalamu, bampa eri ng'oti butwa; endiwo yaanuma bampa omwenge endoota.

Zabbuli 80:5

Mu kifo ky'emere otuleetera nnaku, mu kifo ky'amaadhi otugha kikopo kiidhuvu eky'amaziga.

Isaia 44:20

Omuntu oyo ali ng'oti n'ole alya eivu. Aba yeerimbye era ng'adaaliimye, nga takaasobola kuwonia bulamu bwe, waire okwebuuzaaku mule ati: “Ekifaananie kye ngemye mu ngalo dhange ti kya buguya bwereere?”

Mika 1:10

Aye mutakobera bazigu baife abali mu Gathi, era mutabaganha kubabona nga mulira. Imwe abantu ab'e Betha Leafura mwegalangule mu nkungu okwoleka obubi obw'embeera ye tulimu.

Mika 7:17

Balyeghaluliza mu nkungu ng'oti misota, nga bava mu bifo byaibwe eby'okwewogomamu, baira ye iwe Musengwa Katonda waife, nga badhugumira olw'okutya einho.